【WhatsApp講粗口】英國某女子WhatsApp講粗口而被告
撰文：odin | 圖片來源：網上圖片
【WhatsApp講粗口】英國某女子WhatsApp講粗口而被告
當呢位女子百般無奈嘅時候，被通知不單止返唔到國家，重會被迫滯留喺當地。件事發生喺舊年10月，呢位居住喺杜拜嘅英國女子因為同佢位烏克蘭室友，因為餐桌問題鬧交，其間呢位英國女子火遮眼喺WhatsApp講粗口，send咗句F字頭嘅粗口畀佢室友，原本呢類普通不過嘅WhatsApp講粗口戲言，好多人未必會擺喺心，點知呢位烏克蘭室友居然因為WhatsApp講粗口而舉報佢，搞到佢被有關方面以WhatsApp講粗口呢件事進行刑事起訴告佢，而佢喺幾個月前曾經請求對方撤案嘅時候，對方居然以WhatsApp講粗口「係刑事罪行」作回應，搞到呢位美國女子極度無奈。
【WhatsApp講粗口】身邊嘅朋友好易坐晒監…
其實講粗口日常已經普通不過，對好多人嚟講都只不過係助語詞，某程度嚟講亦都算係溝通嘅一部份，但當WhatsApp講粗口呢件事發生之後，相信好多人都唔敢再亂咁講。特別喺杜拜呢個地方，因為只要喺呢個地方講粗口，都有機會被嚴厲嘅阿聯酋國家法例嚟提出起訴，根據當地法律，WhatsApp講粗口呢個情況有機會因此被判監兩年，或處以罰款收場。其實講粗口犯法呢件事喺外國有好多唔同例子，就好似處理佢呢件事嘅關注組織(Detained in Dubai and Due Process International）行政總裁Radha Stirling就有特別提及到，阿聯酋國家網絡安全法例規管嘅範圍非常廣泛，過往就曾經有有多名外國人因為咁樣而被捕，甚至該法例並唔受地域所界限，即使涉案者身處阿聯酋以外嘅地區，都有機會誤墮法網，所以無論去旅行或者同朋友傾計，講粗口嘅時候都要特別小心啦！
