Whatsapp暫緩新條款不打算撤回 不接受新條款將無法發送訊息

Whatsapp暫緩新條款不打算撤回 不接受新條款將無法發送訊息

【Whatsapp】最近WhatsApp因為私隱條款問題被鬧爆引發「社交移民潮」,唔少用戶已經棄WhatsApp轉場去到Signal、Telegram或者Line等平台,令WhatsApp受到重大打擊,前排WhatsApp先接連打人情牌,推出多種保障用家私隱嘅更新,重嚴正聲明話唔會分享用戶資料畀FB,希望可以贏返用家嘅信心返嚟,雖然好多用家都重係抱住「WhatsApp不了」,但依然有唔少人幾邊一齊用,並未完全放棄得到Whatsapp,今次Whatsapp又搞單咁嘅嘢,相信神仙都難救。

撰文:odin | 圖片來源:Whatsapp

Whatsapp】暫緩新條款不打算撤回

一波「社交移民潮」令WhatsApp流失咗唔少用戶,佢哋深明呢個道理,頻頻更新之餘重努力修改條款,推出多種保障用家私隱嘅更新希望可以令用家有返信心,雖然已經有唔少人跳船去到Signal、Telegram或者Line等平台,但依然有唔少人兩邊用,繼早前WhatsApp更新到2.21.2.18加咗唔少新功能,更高調地再改條款保障用家,話即使係WhatsApp及Facebook都無法讀取或收聽用家嘅訊息,加上之前原本喺2月8日生效嘅全新WhatsApp用戶條款,因為用戶強烈反彈而暫緩至5月15日先正式執行,如果到時唔接受條款咁點算?官方近日就出嚟回應,到時將無法發送訊息。

【Whatsapp】不接受新條款將無法發送訊息

近日Whatsapp官方就更新咗消息,直指出如果5月15日用家唔接受條款,用戶喺數星期內重能夠接聽來電及收到訊息通知,但就無辦法喺程式打開閱讀及發送訊息,官方表示:「為讓您有足夠時間以您希望的步調閱覽此次變更,我們已將生效日延後至5月15日。若您屆時仍未選擇接受,WhatsApp並不會刪除您的帳號。然而,您必須接受變更才能使用 WhatsApp 的完整功能。一開始,您仍可以接收通話與通知,但無法在應用程式中閱讀或傳送訊息。您有以下選擇:5月15日之後,您仍可以選擇接受。但是我們與閒置少用使用者相關的新政策將會生效。在5月15日之前,您可以在Android或iPhone手機上匯出您的對話記錄,並下載您帳號的報告。若您想要透過Android、iPhone、或KaiOS手機刪除您的帳號,我們希望您能再多考慮一下。刪除帳號將抹除您的訊息記錄、將您從所有WhatsApp群組中移除,並刪除您所有的WhatsApp備份,一旦完成我們將無法復原。」

YOU MAY ALSO LIKE ...