【迪士尼】《Voila》變臉App終極測試 香港小姐「佳麗」一秒變公主
撰文：odin ｜ 圖片來源：新傳媒資料庫
【迪士尼】《Voila》神級變臉個個變公主
香港小姐報名，各路「佳麗」一出，立即成為網絡熱話，甚至有網民建議TBB改成「造美人」大賽。大家既然咁想睇大台造美人，小編即時想起這個App,三兩下手勢，做公主都得呀。
直至昨日無綫舉辦《香港小姐2021》首輪面試引來網民熱烈討論，當中最為人印象深刻除了一眾高質佳麗外，其中一位更被網上KOL「KingJer」稱佢為「佛祖」，可想而知她的外型及樣貌多麼令人深刻，如果想即刻變靚點？除咗化妝外，而家重多咗個選擇，就係用呢個《Voila》變臉程式。
《Voila》主要透過「AI人工智慧演算法」進行分析，將用家上傳的照片，轉換成超可愛迪士尼卡通人物，近年大家都特別關注個人資料及私隱部分，官方在私隱權頁面有提及，照片在上傳後24至48小時內就會自動刪除。
【Voila】香港小姐「造美人」大賽
《Voila》設有四種濾鏡效果，分別是「3D Cartoon」、「Renaissance」、「2D Cartoon」、「Caricature」，編輯個人推薦使用「3D Cartoon」，適逢「香港小姐2021」成為全城熱話，不如就選數位來做個實測，舉行一個小型「香港小姐「造美人」大賽」！
【迪士尼】「TERROR」硬撼「ERROR」
其實參賽者唔靚有唔靚嘅玩法的。有網民建議將「佳麗」個組成「TERROR」，同「ERROR」有得fight下吖。如果硬要變靚，記者用個App幫幾個參賽者實「大執」過，大家收貨嗎？
iOS下載點
Android下載點
【Toon Me】一UP即變迪士尼卡通feel
今次介紹呢個《Toon Me》網站可以將你上傳嘅照片轉換成迪士尼動畫風樣貌，轉完重可以即刻save底再upload上社交網站度呃下like，最重要一點：《Toon Me》係完全免費嘅，點都要試下佢。
《Toon Me》係由一間專門開發濾鏡程式嘅「Photo Lab」公司負責，佢哋重有研究人臉辦識以及人工智能數據庫等重要東西，呢款《Toon Me》成功喺外國彈起，唔少人都拎《Toon Me》嚟將人物嘅樣變成迪士尼卡通風，編輯都有嘗試實測過，拎張真人男或女仔嘅相嗎《Toon Me》切換完，相似度高達8成，就算編輯拎張遊戲人物圖去《Toon Me》做測試，程式都可以出到卡通樣俾大家，可見現今科技極其先進，角色輪廓足以騙過《Toon Me》程式AI。但亦都有例外，有網民表示如果拎老人家嘅相去《Toon Me》測試，系統會較難切換成功，話可能面紋太多難以繪製，建議大家搵返個淨色背景或者打住燈先好拍。
總結
《Toon Me》作為一個功能軟件，可以透過相片讀取出類似嘅卡通角色出嚟，雖然相似度極高，但係有唔少中伏位用家都需要留意返。例如：《Toon Me》所揀選嘅相片以正面拍攝準確度最高，如果以37面拍攝，《Toon Me》有機會令切換出嚟嘅圖變晒形，光暗亦要校返平均，否則成品會忽光忽暗難以分辨，此外背景太多雜物亦都會有影響《Toon Me》AI嘅判斷。
重有大量搞笑圖
