美國用戶怒告TikTok侵犯私隱 字節跳動需付7.2億元和解費

美國用戶怒告TikTok侵犯私隱 字節跳動需付7.2億元和解費

國內近日頻密調查反壟斷商業行為,中國字節跳動公司早前宣布旗下知名影音APP《抖音TikTok》,正式向北京知識產權法院提交訴狀起訴騰訊壟斷,騰訊方面就話並未收到起訴資料,並強調將會反告字節跳動公司「惡意誣陷」,加上早前劉華因為抖音TikTok水印問題事件,抖音TikTok呢排真係動作連連,但當佢告緊人之際,喺地球嘅另一邊美國已經有用戶集體提出訴訟,指控在美國有超過1億用戶嘅視頻分享平台TikTok侵犯私隱。

撰文:odin | 圖片來源:TikTok

【TikTok】美國用戶怒告TikTok侵犯私隱

美國伊利諾伊州聯邦地區法院的文件顯示,美國用戶集體提出訴訟指控喺美國有超過1億用戶嘅視頻分享平台TikTok侵犯私隱,經歷咗一年多嘅法律程序之後,北京「字節跳動」先同意和解,但有關和解仍需要等待法庭批准,案情指出原訟一方聲稱TikTok嘅程式入侵咗用戶嘅電子裝備,取得包括:生物識別資料、用戶常追蹤嘅TikTok賬戶等大量私人數據,更被指取得資料及數據目的,係插入針對性廣告、牟利及其他用途等,今次和解協議係經過「專家深入檢視TikTok嘅原始碼」及廣泛斡旋工作而達成。

抖音】字節跳動需付7.2億元和解費

經歷咗一年多嘅法律程序之後,北京「字節跳動」同意和解並支付9200萬美元(約7.2億港元)作和解費用,TikTok發言人就表示:「雖然北京「字節跳動」唔同意索償理據,但與其進行漫長嘅訴訟,寧願集中精力建設安全而快樂嘅TikTok社群體驗」,最終TikTok決定同意以9200萬美元達成和解。此外外媒財經新聞網站報道指出,「字節跳動」計劃以新加坡作為TikTok亞太地區業務中心,正在大規模招聘人才,報道指出「字節跳動」喺中東、非洲及中南美洲等市場嘅TikTok業務正在高速發展,之後喺中國及美國TikTok亦都會招聘更大量嘅人手,其中TikTok未來3年計劃喺美國聘請多達1萬人。

YOU MAY ALSO LIKE ...