意外導致意大利未成年女童死亡 TikTok在多國將面臨限制及封鎖

意外導致意大利未成年女童死亡 TikTok在多國將面臨限制及封鎖

TikTok熱潮在全球風行各地,但近排問題多多,特別係對未成年用戶方面保護不足,更導致一名10歲意大利女童死亡,多個國家表態將會逐漸限制使用,甚至計劃封鎖TikTok。

撰文:odin | 圖片來源:TikTok

【TikTok】意外導致意大利未成年女童死亡

TikTok近年喺唔少國家都受到各種爭議,除咗美國認為TikTok涉及國家安全問題之外,印度及多個國家都認為TikTok對未成年用戶缺乏保護,導致多番出現問題甚至告上法庭,情況不容忽視。日前更有一位意大利女童參與網上流行嘅「窒息挑戰」,使用皮帶索頸挑戰閉氣導致死亡,令當地政府不得不禁止未確認年齡國民使用TikTok軟件,意大利方面表示雖然TikTok平台要求用戶需年滿13歲方可使用,但未有盡力去保障心智未成熟用戶使用該平台,因此將限制未經核對年齡國民將無法使用TikTok。

唔少網紅都使用TikTok。
唔少網紅都使用TikTok。
被制裁後依有不少國民使用。
被制裁後依有不少國民使用。

【TikTok】在多國將面臨限制及封鎖

其實TikTok出現問題都唔係咩新聞,早排先畀一位外國12歲小女孩提告,直指TikTok違反歐盟方面嘅資料保障法,當時歐盟已經表示會嚴格審查,甚至成立專案小組去處理,就連負責呢件案嘅法官都表示TikTok應該保障用戶私隱。誰不知經過短短一段時間,早幾日外媒就爆出一位程式人員查出TikTok代碼入面就包含咗間諜軟件,將數據收集完傳到某個大型開發人員平台,雖然已經被刪除,但依然會擔心用戶私隱及安全方面出問題。

未成年用戶使用問題備受關註。
未成年用戶使用問題備受關註。

同場加映

【科技控】中國成都推「電競勸退班」 利用高手粉碎青少年「電競夢」

關鍵詞
科技控

YOU MAY ALSO LIKE ...