Signal|停止開源難以保護私隱 用戶擔心個資流失難再安心使用

應用程式

廣告

Signal|年初因為Whatsapp霸王條款問題,導致有不少用家出現「社交平台移民潮,程式碼是開源的Signal當時一度是用家們「移民」首選,因為Signal對於用戶個人私隱方面給予用家更強保護,但近日Signal官方宣布此模式將會停止,令不少用戶擔心難以再保護個資。

撰文:odin | 圖片來源:Signal官方圖片、新傳媒編輯部

(圖片來源:新傳媒編輯部)
(圖片來源:新傳媒編輯部)

Signal|停止開源難以保護私隱

今年初因為Facebook旗下,即時通訊軟件「Whatsapp」推出霸王條款,私隱條款更改令大量用戶擔心個人私隱,因此紛紛轉會至程式碼開源,及具備點對點加密技術的社交平台「Signal」成為不少用戶的避風港,但近日官方指開源模式將會停止。

(圖片來源:Signal官方圖片)
(圖片來源:Signal官方圖片)

Signal|用戶擔心個資流失難再安心使用

近日「Signal」官方網誌宣佈,其程式及伺服器將會終止開源模式,對此官方給予解釋是為予避免垃圾訊息對用戶干擾的問題,雖然垃圾訊息情況已經出現一段長時間,但因此而放棄完全開源方式令不少用戶擔心個資問題。

(圖片來源:Signal官方圖片)
(圖片來源:Signal官方圖片)

官方雖然隨後補充,同時將開發能夠偵測及阻止垃圾訊息的專用伺服器,但儘管如此,用戶的訊息亦會改為存放在私有的伺服器內,在沒有開源情況下,用戶的訊息及私隱亦存在不知情情況下被利用的風險,雖然「Signal」努力強調將關注保持對私隱及保安方面情況,但放棄開源的做法已經令不少用戶擔心,恐難以再安心使用此程式。

(圖片來源:Signal官方圖片)
(圖片來源:Signal官方圖片)

 


相關文章:【Signal】同Brian相同理念合力創立Signal Moxie唔認同賣私隱選擇離職!

Signal近期爆紅,下載數量更多番打破記錄,曾經喺短短但日錄得750萬次下載,創辦人除咗有良心老闆Brian Acton之外,重有呢位前Twitter員工Moxie Marlinspike,佢同Brian一樣對於前公司對用戶私隱方面嘅處理方法,最終選擇離職收場,並自立門戶去搞Signal。

SignalMoxie唔認同賣私隱選擇離職

之前有提過Brian Acton係Whatsapp共同創辦人之一,來頭相當唔少野,但原來Moxie Marlinspike來頭都好勁,佢細細個就開始研究加密技術,對密碼學重相當有研究,重會嘗試透過利用隱形筆寫字通訊保私隱添!間中重會約埋班老友研究下,用啲人哋聽唔明嘅特別用語嚟交談,足以見到佢對私隱研究係由細培養,到長大終於可以發展所長,就連佢個名Moxie都只不過係細細個嘅花名,就算有人問關於佢真正姓氏嘅問題,佢一概拒絕回答,並認為某啲嘢係應該一直隱藏住,反起底工作都做得幾足。

由細到大Moxie佢都好著重私隱。
由細到大Moxie佢都好著重私隱。(圖片來源:Twitter@Moxie Marlinspike)

 

【Signal】同Brian相同理念合力創立Signal

至於Moxie Marlinspike點解會離開Twitter,主要係因為2012年佢曾經發生過意外死過翻生,然後就覺得人生好寶貴,唔應該繼續浪費時間喺唔鍾意嘅地方,於是佢就離開Twitter去做自己喜歡嘅事,直到2018年同Brian Acton成立咗Signal母公司,公司主打收入來源全靠用戶捐贈,並提供以用戶為本嘅環境,不會出賣及被收買用戶嘅資料及數據等。Moxie Marlinspike本身係個無政府主義者,對於不論政府定係任何公司,佢都認為唔應該可以追蹤到用戶或者透露任何個人私隱,連佢本人都表示:「Signal一直來嚟嘅使命,都係希望將點對點加密技術普及化,從來無諗過會喺商業方面取得成功,更強調Signal加密引擎甚至代碼庫都係公開任何人都睇得,藉此檢查私隱安全是否獲得保障。

Signal理念一拍即合。
Signal理念一拍即合。(圖片來源:Signal官方圖片)
收入全靠用戶捐款,表明唔會被收購。
收入全靠用戶捐款,表明唔會被收購。(圖片來源:Signal官方圖片)

關鍵詞
Signal