夾Plan分享帳號用家末日 Netflix測試 共用帳號需驗證

夾Plan分享帳號用家末日 Netflix測試 共用帳號需驗證

影視串流平台Netflix全球用戶突破2億,已經係好多人觀看電視、電影嘅主要平台,近日有消息傳出,Netflix正在小規模地測試緊新帳號認證方式,呢個測試或會對帳號共享用家造成極大影響,就算驗證帳號之後都有機會再彈返出嚟,對睇電影嘅流暢度造成相當大嘅干擾。

撰文:odin | 圖片來源:netflix截圖

【Netflix】Netflix測試 共用帳號需驗證

好多用家都鍾意叫埋親朋戚友,即購買一個帳號分享到唔同地方欣賞,從而節省彼此訂購費用,對呢個做法一直隻眼開隻眼閉嘅Netflix,近日終於開始實施新嘅測試,近日有部份觀眾指出,喺收睇節目嘅期間會不定時收到檢查訊息要求驗證帳號,如果選擇跳過一陣子後又會跳出嚟,對睇電影嘅流暢度造成相當大嘅干擾。外媒消息指Netflix會發出訊息告知觀眾,如果帳號擁有者唔係同住嘅話,就需要另外購買自己嘅帳號先可以收看,然後會要求觀眾以簡訊或電子郵件方式回覆,嚟確認自己同帳號擁有確實係同住一個屋簷下、彼此係親朋戚友先可以共享同一帳號,呢個策略對於網購開團夾份Netflix訂購嘅用戶會造成極大不便,暫時呢個測試只會出現喺電視用戶身上,其他平台觀賞暫時未會出現呢個情況。

【Netflix】Netflix測試共用帳號需驗證。
【Netflix】Netflix測試共用帳號需驗證。
【Netflix】唔少用家都會嘗試分享帳號嚟節省訂購費用。
【Netflix】唔少用家都會嘗試分享帳號嚟節省訂購費用。

【Netflix】夾Plan分享帳號用家末日

影視串流平台Netflix訂閱帳戶用家,最多可同時喺4個螢幕裝置上使用,唔少用家都鍾意叫埋親朋戚友,但近日Netflix進行新測試,疑藉此打擊共享帳號行為,根據外媒指出Netflix部份用戶近日收到訊息指:「若你不是與這帳號的所有者同住,你需要用自己的帳號以繼續觀看影片」Netflix發言人表示呢項測試是用於協助確認當下的使用者有獲授權,而根據平台服務條款規定,同一帳戶的用戶必須住在同一個家庭先可以使用。而2016年Netflix創辦人之一Reed Hastings曾指出「分享帳號係人們需要學著習慣嘅地方,有很多合法分享帳號嘅情況,例如與你嘅伴侶、孩子一起共用。」直至2019年Netflix首席執行官Greg Peters就透露過,正針對帳戶共享調整正在進行討論,但目前屬於觀察階段未有實際措施。

【Netflix】夾Plan分享帳號用家末日。
【Netflix】夾Plan分享帳號用家末日。
【Netflix】用家未來需要用自己的帳號以繼續觀看影片。
【Netflix】用家未來需要用自己的帳號以繼續觀看影片。

關鍵詞
netflixApp

YOU MAY ALSO LIKE ...