MeWe移民潮!唔玩facebook!齊齊改用MeWe   3大必識超吸引賣點!

MeWe移民潮!唔玩facebook!齊齊改用MeWe 3大必識超吸引賣點!

MeWe移民潮!有唔少人搭車或者閒來無事都有碌下 Facebook 或者其他類似程式嘅習慣,但近日唔少網民發起棄 Facebook 投 MeWe 行動,重愈嚟愈勁添,到底呢個風跟唔跟好?真係移得郁定只係曇花一現?以下幾個 MeWe 賣點喺你移民之前一定要知!

撰文:Odin |圖片來源:MeWe|編輯:海月

MeWe移民潮!唔玩facebook!齊齊改用MeWe 3大必識超吸引賣點!

呢鼓浪潮到底會唔會係曇花一現
呢鼓浪潮到底會唔會係曇花一現

不設實名制度

資深用家們應該都知道以前 Facebook 係不設實名制度,用戶想改咩名都冇問題,自從某段時間強制推行之後,唔少改咗筆名或者日文名嘅用家都被迫要改返正常姓名(筆者就係其中之一),據說係被舉報所以強制更改,但點都好都會為網絡上想匿名嘅用家帶來不便。但 MeWe 就冇呢個問題,用家可以喺姓同名填任何嘢之餘,重可以將你嘅筆名、代號之類放喺個名附近,朋友要認你就簡單得多。

界面簡潔望落的確幾好用
界面簡潔望落的確幾好用

【MeWe移民潮】唔玩facebook!齊齊改用MeWe 3大必識超吸引賣點!

無廣告及自設 timeline 功能

自從 Facebook 接連強制更新後,唔少用家都被迫硬食唔少廣告,加上 Facebook 自設「讀心功能」,身邊有唔少人話嗰頭同朋友傾完嘅話題,嗰頭喺 Facebook 就見到類似廣告,嚇到個心都離一離。 MeWe 冇廣告之類,收入主要靠提供網絡服務,對輕度用家嚟講可以講係完全冇影響。至於 timeline 方面相信 Facebook 個界面一直都為人所詬病,除咗混亂之餘有時想搵返朋友嘅 post 都會俾好多多餘資訊及廣告狂洗。 MeWe 就將一切化繁為簡,撳一下 timeline > Feed 選項就可以揀選 All 、 Contacts 、 Groups 及 Pages ,界面簡潔易用,一鍵輕鬆切換,界面重可以去 MeWe Store 買唔同嘅 Theme 隨意更換。

無廣告爬文的確爽好多
無廣告爬文的確爽好多

Group Chat 投票自由度大

MeWe同Facebook開Groups方法相當類似,想增加私隱入Group前需要回答問題先會作考慮,重可以加 #Tags 方便搵返相關內容,如果你怕 Group Chat 成日彈通知,重可以去 setting 入面設定你每個 group 所需 notifcation 。至於投票方面 Facebook 現行最興就係 A餐心心 B餐笑哈哈,而 MeWe 就可以任意喺你嘅 timeline 、 groups 以及 pages 隨時選擇投票選項,最多可設 20 個加設任意 emoji 嘅選項,重點係唔再好似 Facebook 咁局限只有版主先可以設定投票 post ,真正達到一人一票任投方案。

【MeWe移民潮】唔玩facebook!齊齊改用MeWe 3大必識超吸引賣點!

總結

整體嚟講一般輕度用家使用問題暫時不大,當然 MeWe 系統重存在唔少 BUG ,例如有用家就話聊天系統會被刪除不獲通知,建議唔好用 MeWe 嚟私下交易以免無得留「底」,做唔到事後蒐證咁話。另一方面 MeWe 開專頁需要收USD 1.99一個月,頭30日免費,但至少唔會出現 Facebook 壓榨「接觸人數」問題,達到出 post 追隨者都可以全數睇到,值唔值就要睇下你點睇。

【MeWe移民潮】唔玩facebook!齊齊改用MeWe 3大必識超吸引賣點!

YOU MAY ALSO LIKE ...