【科技控】Google Translate翻譯錯誤致大混亂！ 網民：某啲地區先有問題
廣告
Google Translate平時大家都會用到，特別係以前去旅行嘅時候，翻譯完同當地人溝通下都唔錯，但最近網民發現程式出現問題，有某啲字句出現古怪情況，專家就指出因為網民狂炸data導致AI出現錯誤。
撰文：odin ｜ 圖片來源：Google
【科技控】GoogleTranslate翻譯錯誤致大混亂！網民：某啲地區先有問題
網民突破盲腸
網民利用「Google Translate」功能做咗唔同測試，發現某啲地區先會出現錯誤，而其他大部份地區都無出現闊題，唯獨以下4個地方就會出現翻譯答案錯誤，包括：「中國、台灣、香港及澳門」，早前重係翻譯正常嘅「澳門」，到啱啱實測都出現翻譯答案錯誤嘅問題。亦有網民突破盲腸，研究出如果將Breaks改為Break又變返正常喎！咁即係點，搞到大家都好亂。
專家指狂炸data導致AI錯誤
「Google Translate」出現問題嘅原因，專家指出係因為機器學習功能，令數據資料庫出現故障，所以先會搞到「Google Translate」某啲文字出現問題。至於故障成因好大機會因為Google數據庫係靠公開途徑(例如網上文章或者討論區等地方)收集返嚟，如果網上充斥大量錯誤Data，有機會令Google Translate出現誤判(例如有人經常將「China breaks promise」翻譯成「中國信守諾言」再擺上網或討論區度，過段時間「Google Translate」收集咗大量呢種資料，就會因此中伏，從而出現某幾個地區先會出現問題，而其他地方就冇問題呢個情況。
