Google Photos 面部識別出錯累事 加拿大女子「情趣」短片誤發母親 分享影片超過200萬人觀看
撰文：odin | 圖片來源：karatonin@tiktok
【Google Photos】加拿大女子「情趣」短片誤發母親
Google Photos嘅面部識別功能相當方便，懂得從用戶上傳嘅相片裡面，找到當中嘅主角並進行分類，呢項人工智能如果喺正常情況下相當好用，但畢竟人工智慧偶爾都會出錯，呢個極端嘅場景往往能殺用戶一個措手不及，外國就因為呢個問題引發一宗令人尷尬嘅事情，將一段難以啟齒的「情趣」影片誤傳送給母親。
【Google Photos】Google Photos 面部識別出錯累事
最近加拿大一名女生「Kara Tonin」喺「TikTok」度分享咗一次尷尬嘅遭遇，話說「Tonin」育有一名兒子「Josh」，為咗畀母親可以得知外孫嘅動態，於是利用「Google Photos」嘅面部識別功能，只要「Google Photos」系統辨別到「Josh」臉孔嘅相片及影片就會自動同母親分享，不過「Tonin」萬萬估唔到呢個咁方便嘅功能，居然令母親收到自己嘅火辣色情短片。
【Google Photos】分享影片超過200萬人觀看
早前「Tonin」母親收到一段不雅嘅短片，片段裡面嘅主角正正就係女兒「Tonin」，而「Tonin」就解釋指佢希望同丈夫嘅關係熾熱啲，於是就利用手機拍攝咗一段難以啟齒嘅情趣影片，最令佢估唔到嘅就係「Google Photos」居然喺影片入面，識別到雪櫃上面兒子「Josh」嘅相片，於是就將這段不堪入目嘅情趣影片傳送咗畀佢母親，「Tonin」近日就係「TikTok」度分享咗一次尷尬嘅遭遇，分享影片超過200萬人觀看，目的就係想告誡其他「Google Photos」用戶，「Google Photos」系統似乎會將相片及影片喺未經篩選嘅情況下直接上傳，「Google Photos」設定自動分享都會存在一定嘅危險性，希望其他「Google Photos」用戶們要從「Tonin」身上汲取到慘痛嘅教訓。
