Facebook同Apple隔空開火 Tim Cook直指:靠挖用戶私隱不值表揚

Facebook同Apple隔空開火 Tim Cook直指:靠挖用戶私隱不值表揚

iOS14推出前夕已經預告咗設有反追蹤功能,當時已經話Facebook將會首當其衝受到波及,當時Facebook重登報直指功能會影響到廣告嘅成效,更強調會危害到不少小型企業咁話,及後更多次表明反對呢款更新功能,雖然成功拖延到推出日期,延至今年終於推出了,正值FacebookWhatsapp個資問題引發「社交移民潮」之際,Apple此舉為Facebook帶嚟災難性嘅危機,難怪雙方都隔空開火,大家又撐邊一面?

撰文:odin | 圖片來源:網上圖片、Wiki

Facebook同Apple隔空開火

FacebookApple開火都已經一段時間,上年Apple提及iOS14將會加入「應用程式追蹤透明度(App Tracking Transparency)」新功能,當應用程式會收集用戶個人資料及數據(例如:GPS位置及電郵列表等),用作網站追蹤或個人廣告之用,甚至將資料共享畀其他公司時,都需要先彈出通知,等用戶確認冇問題先可以收集,唔可以再好似而家咁暗地裡執行。當時Facebook表示極度不滿,重係《紐約時報》、《華盛頓郵報》等美媒買咗成版報紙廣告,以「我們為全球小企業挺身挑戰蘋果」為名抨擊蘋果iOS14嘅新功能,認為此舉將會傷害個人廣告嘅成效,繼而傷害到FB社群平台上嘅小型企業主。

Facebook個資問題引發「社交移民潮」。
Facebook個資問題引發「社交移民潮」。
唔少人都跳船去其他平台。
唔少人都跳船去其他平台。

Tim Cook直指:靠挖用戶私隱不值表揚

 

雖然當時成功拖延到呢項功能推出,延至今年終於推出了,正值Facebook及Whatsapp個資問題引發「社交移民潮」之際,Apple此舉為Facebook帶嚟災難性嘅危機,唔怪得知外媒重話Facebook忍唔住進行緊一啲法律訴訟嘅準備,隨時向Apple提出法律訴訟咁話。當Facebook不斷高調炮轟緊Apple嘅同時,Tim Cook亦都忍唔住,冇指名道姓咁回應某啲人不滿iOS14引入「應用程式追蹤透明度(App Tracking Transparency)」新功能,重話「如果生意係靠誤導用戶、挖掘個人私隱數據及限制用戶選擇,呢啲生意係唔值得表揚,而是要改革!」重話選擇性將陰謀論及暴力煽動反而優先被看到會帶嚟咩後果,甚至獎勵「疫苗陰謀論」會否導致用戶加入極端主義,以及認為演算法永久存在會引致咩後果等言論。

Tim Cook終於忍唔住不指名開火。
Tim Cook終於忍唔住不指名開火。
iOS14成為兩者最大導火線。
iOS14成為兩者最大導火線。

YOU MAY ALSO LIKE ...