【Facebook打包】人人話搬家!Step By Step!Facebook相片、資料一鍵打包教學

【Facebook打包】人人話搬家!Step By Step!Facebook相片、資料一鍵打包教學

【Facebook打包】Facebook移民潮持續,最近跳船去MeWe嘅朋友幾何級增加,加上MeWe已經推出中文介面,唯一阻礙用家嘅問題已經解決,咁多年回憶又要點搬走呢?而家教大家一個簡單方法一鍵處理Facebook個人資料。

撰文:Odin |圖片來源:網上圖片 |編輯:海月

【Facebook打包】人人話搬家!Step By Step!Facebook相片、資料一鍵打包教學

Facebook資料轉移功能其實早於2018年已經推出,用家可以自行決定將個人Facebook照片或者影片隨意轉移到其他平台上,但想搬得透徹,建議一次將所有關於Facebook完全移走以策安全,今次就教大家幾個步驟即可輕鬆完成轉移工作,甚至可以一鍵將資料轉移至其他知名雲端平台,例如Google相簿、OneDrive以及iCloud等,而唔需要使用任何第三方工具,以防個人資料流失,因而出現個資危機。

步驟1.
撳一下畫面右上方關於「帳戶」呢個箭咀圖案。
Facebook資料一鍵打包搬家教學

步驟2.
揀選「設定與私隱」呢個選項。
Facebook資料一鍵打包搬家教學

步驟3.
然後再撳一下「設定」。
Facebook資料一鍵打包搬家教學

步驟4.
入到去先撳左面「你的Facebook資訊」一下,就會見到右面出現「轉移你相片或影片的副本」「將相片或影片轉移至其他服務」,然後點選「查看」。
Facebook資料一鍵打包搬家教學

步驟5.
入面會見到「選擇目的地」,然後就會出現一些常用嘅知名雲端平台,揀選你所需目的地,或者直接撳「下載到你的裝置」自行處理。
Facebook資料一鍵打包搬家教學

步驟6.
揀選目的地完畢後,就可以撳一下「繼續」進行確認。
Facebook資料一鍵打包搬家教學

步驟7.
裡面就可以有大量選項畀大家決定邊啲資料需要下載或轉移,包括你嘅「帖子」、「相片和影片」、「訊息」等重要內容。
Facebook資料一鍵打包搬家教學

步驟8.
至於下載幾耐就視乎你個帳號用咗幾耐,入面有幾多資料而定,好似小編咁嘅情況,應該要等返段時間。
Facebook資料一鍵打包搬家教學

YOU MAY ALSO LIKE ...