FaceApp｜日本網絡女神「靚女車手」被踢爆真面目 網民：我褲都除埋你咁對我！
廣告
FaceApp｜有句說話小編一生受用，就係「做人總要信」，喺接住落嚟講嘅事情裡面，做人總要信…世界哪有咁多靚仔靚女（笑），話說喺日本嘅Twitter，最近就熱傳緊一位「靚女車手」，當香車再加美女，一定吸引唔少男人去睇。不過好快有網民一個小小發現，搞到全城都好疑惑，最後要出動綜藝節目去幫網民查明真相！而事件過後，近日事主再次接受採訪，分享被邀請拍寫真經過！
撰文：馬高斯 ｜圖片來源：月曜から夜ふかし｜編輯：海月、odin
FaceApp｜日本網絡女神「靚女車手」被踢爆
日本人氣綜藝節目「月曜日未央（月曜から夜ふかし）」，節目其中一個環節係會幫民眾去解決一啲疑惑。就好似今次「靚女車手」事件，呢位網上熱傳嘅靚女車手，佢嘅Twitter帳戶名叫「宗谷の蒼氷」，其中一個自介post，就見到內文用心心又花花嘅emoji，仲要有女神靚靚自拍相，真係丁到出血！但係有眼利嘅網民見到，點解年齡會寫住「昭和のOOO」呢？睇相咁後生點會係昭和出世呢？唔通係凍齡女神？
最後節目嘅特派員就去到當地，四圍問吓人知唔知邊個係宗谷桑喇，於是搵到一位都係叫宗谷桑嘅中年男人，唔少網民第一時間諗，唔通係靚女車手嘅爸爸？
點知呢位長髮男子就係傳說中「靚女車手」，主持人們都O晒咀，原來大叔用FaceApp去變身成靚女車手。
嘛…始終人各有志，呢位50歲男子就表示，好樂在其中喺用app變身成靚女，仲即場示範畀特派員睇！
而家科技越嚟越先進，一個FaceApp就已經可以大叔變靚女，睇得小編我心都寒埋，不禁諗起Netflix套《同把砒霜留給自己》，第1集女主角就係畀醜男用FaceApp變身成外國型男呃錢。
近日宗谷再次接受訪問，直指事件公開後，粉絲反而增長了6倍之多，更有人上門要求「他」去拍攝寫真集，因為疫情問題宗谷已經很少騎車出門，改為分享美臉配肌肉圖及美食照等，跟粉絲們分享生活點滴。
圖片來源：月曜から夜ふかし
