【Elon Musk】點石成金嘅Elon Musk暫別Twitter 曾一句話令《電馭叛客2077》股價起死回生

【Elon Musk】點石成金嘅Elon Musk暫別Twitter 曾一句話令《電馭叛客2077》股價起死回生

【Elon Musk】如果要提到有人暫別Twitter,你可能覺得無咩大不了,但如果係以下我提到呢個人,成件事就會完全唔同講法,事源《電馭叛客2077》情況令其公司CD Projekt陷入困境,但因為Elon Musk一番說話,外媒直指因為咁而令CD Projekt股價起死回生,甚至追平最高水平添!到底有咩咁厲害?

撰文:odin | 圖片來源:wiki

【Elon Musk】曾一句話令《電馭叛客2077》股價起死回生

【Elon Musk】《電馭叛客2077》係一款由CD Projekt開發並於2020年12月10日發行嘅動作角色扮演遊戲,採用了桌上遊戲《電馭叛客2020》世界觀及規則設計,背景為2077年美國加利福尼亞州嘅「賽博龐克」風格反烏托邦式城市「夜城」,玩家要喺呢個開放世界入面扮演名為「V」嘅僱傭兵,《電馭叛客2077》遊戲推出後問題多多,繼三次跳票延期之後,遊戲推出後亦包含大量Bugs,就連更新後都補救唔到,更出現退貨潮,連帶其公司CD Projekt亦都陷入困境。當一切被睇淡之際,特斯拉CEO Elon Musk居然爆出一句驚人嘅言論,幾日前Elon Musk喺Twitter發布咗一張新款嘅特斯拉汽車「Model S Plaid」嘅相,架車入面屏幕正正就係播緊《巫師3:狂獵》、《星露谷物語》及《茶杯頭 Cuphead》等遊戲,之後回文度重提及:「重可以玩埋《電馭叛客2077》」、「《電馭叛客2077》嘅美學令人難以置信。」

【點石成金Elon Musk】實測車上出現多款遊戲。
【Elon Musk】實測車上出現多款遊戲。

 

【點石成金Elon Musk】就係呢句說話令CD Projekt起死回生。
【Elon Musk】就係呢句說話令CD Projekt起死回生。

【Elon Musk】點石成金嘅Elon Musk暫別Twitter

此話一出外媒即刻就爆料,話「這是讓CD Projekt的股價上漲了19%嘅推文,CD Projekt嘅股價已經升至2015年來嘅最高水平,意味住該公司嘅股價比《電馭叛客2077》發售前重上漲咗16%」。其實點石成金嘅Elon Musk重有好多勁爆嘅例子,例如曾經一句將未上市嘅Signal誤以為另一隻名字接近嘅股票,以及GME、ETSY等股票喺佢嘅「加持」底下亦都突然大幅上昇,Signal同Clubhouse等社交平台亦都因為佢而多咗人關注,而佢尋日亦都爆出一句驚人言論,就係要暫別Twitter,並且無話幾時會返嚟,隨住佢旗下太空探索技術公司SpaceX研發嘅星艦(Starship)係美國德州進行嘅試飛再度失敗,網民就話佢頂到一日再講,大家又點睇?

【點石成金Elon Musk】問題多多嘅《電馭叛客2077》。
【Elon Musk】問題多多嘅《電馭叛客2077》。

 

【點石成金Elon Musk】佢一話暫別震驚唔少人。
【Elon Musk】佢一話暫別震驚唔少人。

YOU MAY ALSO LIKE ...