《Clubhouse》後欄失守任聽任錄 Android、PC無需邀請碼照用到

《Clubhouse》後欄失守任聽任錄 Android、PC無需邀請碼照用到

【Clubhouse】近排語音社交媒體《Clubhouse》喺世界各地爆紅,用戶數量隨之不斷增加,主要來自中國用戶,搞到全世界一帳難求,但緊隨住問題又嚟,近日外媒指出《Clubhouse》存有重大漏洞,中國政府可以隨時拎到「中國境內的用戶資料」,今次呢單走後門事件,令到《Clubhouse》嘅安全形同虛設,Android、PC無需邀請碼照用到兼任聽任錄,到底官方重有冇咩方法可以保障到用戶?

撰文:odin | 圖片來源:Clubhouse、OpenClubhouse

Clubhouse】Android、PC無需邀請碼照用到

語音社交媒體《Clubhouse》係一款流行嘅App,由於馬斯克(Elon Musk)上線同網友對談後爆紅,但近日我就受到嚴重影響,一個名為《OpenClubhouse》嘅網站內擁有大批「複製」咗《Clubhouse》嘅房間,不單止可以聽到房間裡面嘅內容,重可以清楚顯示到房間裡面用戶嘅頭像及名字,《Clubhouse》主打兩個重點包括係「私隱」,冇邀請碼嘅用戶就無法加入,APP本意並唔係向所有人公開。此外最重要一點就係「尊重版權」,房間裡任何分享嘅內容版權都係屬於用戶自己,未經過發言者同意就不能錄音或錄影,亦都唔可以透過其他方式轉述分享,咁樣大家先可以暢所欲言,但《OpenClubhouse》呢個程式能夠將《Clubhouse》嘅語音聊天內容公開供用戶聆聽,就算冇《Clubhouse》帳號嘅安卓(Android)及PC用家都可以聆聽內容。

【Clubhouse】中、韓、日房間主力被攻陷。
【Clubhouse】中、韓、日房間主力被攻陷。
【Clubhouse】「Ai Eks」帳號已經受到封殺。
【Clubhouse】「Ai Eks」帳號已經受到封殺。

 

【Clubhouse】《Clubhouse》後欄失守任聽任錄

開發者表示程式初衷只係希望畀原本只能夠透過iPhone先可以使用嘅《Clubhouse》,提供畀Android及PC用家使用,並透過「Ai Eks」令程式容許偽用戶進入《Clubhouse》房間,這個帳號亦可進行側錄,並即時分享聊天室嘅語音內容,此程式只需要喺網頁上執行,使用者並唔需要進行登錄,亦都唔需要有《Clubhouse》帳號就可以收聽各個房間嘅語音聊天內容,但呢個程式被質疑有資安漏洞,而且房間主持亦無法剔除「Ai Eks」產生嘅虛假用戶形成《Clubhouse》程式嘅重大漏洞,目前《OpenClubhouse》似乎因為遭到檢舉而關閉,目前能夠睇到開發者聲明以及使用內容,但無法使用,而「Ai Eks」嘅偽使用者帳號亦遭官方封殺。

【Clubhouse】連女優都設有房間同大家聊天交流。
【Clubhouse】連女優都設有房間同大家聊天交流。

【Clubhouse】入面有唔少話題任你選擇。

【Clubhouse】用戶可以自行選擇所需主題。

YOU MAY ALSO LIKE ...