用戶數據、音頻中國政府隨時拎到 Clubhouse存有重大漏洞!

應用程式

廣告

近排語音社交媒體《Clubhouse》喺世界各地爆紅,用戶數量隨之不斷增加,主要來自中國用戶,搞到全世界一帳難求,搞到各大拍賣網站都出現唔同價錢嘅賣帳商品,平台亦大量湧現關於人權、國家認同以及其他敏感議題嘅討論,終於令到《Clubhouse》喺國內被禁,中國用戶只能翻牆先可以使用《Clubhouse》。但緊隨住問題又嚟,近日外媒指出《Clubhouse》存有重大漏洞,中國政府可以隨時拎到「中國境內的用戶資料」,令唔少網民議論紛紛,到底係咪只係中國境內先有事?

撰文:odin | 圖片來源:Clubhouse

Clubhouse】用戶數據、音頻中國政府隨時拎到

語音社交媒體《Clubhouse》係一款流行嘅App,由於馬斯克(Elon Musk)上線同網友對談後爆紅,唔少中國用戶設法想從境外註冊帳號,並自行創建「數位虛擬嘅討論群組」再同世界各地用戶討論一些敏感嘅話題,但隨即被禁用,只能夠翻牆先可以繼續用,唔少用戶重驚到唔敢登出,話怕再登入唔返咁話。其實《Clubhouse》爆紅無幾耐外媒已經傳出平台內建嘅即時語音系統被指出採用中國企業聲網(Agora)嘅技術,雖然有關方面一直唔肯回應,但外界好多網民都擔心倘若真係採用中企技術,按照中國現行法律用戶嘅個人資料好大可能被北京當局檢索或取用,亳無保障可言,令唔少用戶因此卻步,但都阻止唔到充滿好奇心嘅用戶爭相嘗鮮。

 

【Clubhouse】入面有唔少話題任你選擇。
【Clubhouse】入面有唔少話題任你選擇。
【Clubhouse】用戶可以自行選擇所需主題。
【Clubhouse】用戶可以自行選擇所需主題。

【Clubhouse】存有重大漏洞!

「史丹佛大學網路觀測計劃」證實,喺矽谷設有辦事處,總部位於上海嘅聲網(Agora Inc)為《Clubhouse》提供咗後端基礎架構,《Clubhouse》用戶嘅資訊隨時會被輕易攔截得到,重證實咗《Clubhouse》存在嘅漏洞可能允許外部拎到用戶嘅原始音頻和數據,即使中國用戶從境外下載《Clubhouse》程式,佢哋喺《Clubhouse》入面嘅對話內容,都有機會透過中國伺服器傳輸而被截獲,如果此事屬實,咁相信唔單止中國用戶,任何用戶透過《Clubhouse》程式都存在被攔截及個資不保,雖然《Clubhouse》表示近日將會更新嚟強化數據安全、增加額外加密以及封鎖等功能,但亦難以令用戶可以安心使用。

【Clubhouse】唔單止欄截你傾過啲咩,連個資都不保。
【Clubhouse】唔單止欄截你傾過啲咩,連個資都不保。