Bill Gates支持特朗普回歸社交平台 社交平台唔應該分成兩派
廣告
微軟創辦人比爾蓋茨(Bill Gates)早前接受訪問時提及到社交媒體禁令問題，當中就指出推特對美國前總統特朗普(Donald Trump)嘅終身封禁，可能會在美國引發更多分歧，Bill Gates指：「特朗普曾經講過好多質疑2020年大選合法性嘅說話，呢啲話題具有好大嘅破壞力。」但就認為特朗普重返社交平台存在轉機。
撰文：odin | 圖片來源：Twitter@Bill Gates/特朗普官網
【Bill Gates】社交平台唔應該分成兩派
微軟創辦人比爾蓋茨(Bill Gates)早前接受訪問時，提及到社交媒體禁令問題，對於特朗普及社交平台嘅問題作出回答，事源推特上個月以理由「有進一步煽動暴力嘅風險」永久禁止咗特朗普嘅「@realdonaldTrump」Twitter帳號，此外特朗普嘅支持者於1月6日沖入美國國會大廈試圖擾亂參議院對拜登(Joe Biden)贏得總統選舉嘅認證，隨後Facebook、Snapchat及Reddit亦都宣布無限期封鎖特朗普嘅賬戶，但就冇宣布係咪永久封鎖。
【Bill Gates】支持特朗普回歸社交平台
Bill Gates喺訪問度被問及，記者提問如果Bill Gates係Facebook監督委員會嘅成員，佢會唔會畀特朗普重返該平台，Bill Gates暗示道：「我認為喺某個時刻，佢可能會被允許回歸，或許應該被允許回歸。」Bill Gates同時亦建議如果社交媒體公司允許特朗普回歸要做定心理準備：「你要知道某種程度上人們對佢所發表嘅說話興趣可能下降咗好多，自從被禁止喺推特及其他社交平台後，有關特朗普嘅頭條新聞已經少咗很多。
