我的臉是「AI」創造出來 韓國YouTuber Rui令網民難以置信
廣告
你有冇諗過喺YouTube度見到YouTuber表演或者拍片時，佢哋個樣可能只係以AI合成製造出來嘅虛擬人物？韓國女YouTuber「Rui」表示：「喺韓國呢個如此重視外表嘅國度，我外表不討好，自知永遠不會成功，感到自卑嘅佢，後來知道咗有AI臉蛋呢回事，於是決定把心一橫試試，估唔到會咁受到歡迎。」
撰文：odin | 圖片來源：IG@ruuui_li
【YouTuber】我的臉是「AI」創造出來
早前韓國外媒廣泛報著一篇標題名為：「現在的世界連YouTube也無法相信」嘅文章，裡面就列咗一位韓國女YouTuber嘅影片截圖，就咁睇呢位平平無奇拍Vlog嘅女YouTuber，照片下方居然驚現「呢名女YouTuber名為「Rui」，只有髮型、聲音及頸以下身軀係真，佢嘅臉孔係利用AI深度學習技術虛擬創造而成。」消息一出唔少睇過段片嘅網民反映極之熱烈，重直言話難以置信佢哋眼前呢位美女YouTuber塊臉居然係假嘅，因為無論點睇都好佢個樣同普通人無咩分別，大批網民紛紛留言指：「原來這是不存在的臉孔，令人雞皮疙瘩呢！」唔少人更留言話：「AI技術發展得很可怕，好難想像十年後嘅世界會變成點！」
【YouTuber】韓國YouTuber Rui令網民難以置信
女YouTuber「Rui」接受媒體訪問時剖白出點解願意將塊假臉拼喺自己度，創造出一個只能活喺網上嘅虛擬人物，佢表示：「佢一直以嚟都好想成為一名歌手，但喺韓國呢個如此重視外表嘅國度，我外表不討好，自知永遠不會成功，感到自卑嘅佢，後來知道咗有AI臉蛋呢回事，於是決定把心一橫試試，估唔到會咁受到歡迎。」當然AI為女YouTuber「Rui」背後嘅女性帶嚟第二人生完成咗佢嘅夢想，但係當喜歡呢位女YouTuber嘅粉絲知道自己支持嘅偶像原來一直以嚟都係以假臉欺騙自己，又會唔會比佢以真面目示人更好？不過結果係點都好，呢個都係女YouTuber「Rui」嘅決定，正如佢嘅描述：「像蝴蝶做夢，想唱歌跳舞，願世界和平，祝大家幸福。我是Virtual Human瑞。」或者咁嘅結果係佢最想得到嘅。
