【直播】美女主播居然係男人 外媒曝直播平台雇聊手代談戀愛

應用程式

廣告

同心儀嘅女主播見面吃飯甚至線上「談戀愛」,相信係唔少狂迷粉絲最期待嘅嘢,亦都令唔少年輕男子喺直播間PK刷禮物,喺中國就算係低收入嘅階層都會經常喺直播度化身土豪大手送禮,根據外媒爆料,原來喺直播背後一直同佢談戀愛嘅人,居然係直播平台請嚟嘅「聊手」,而呢啲「聊手」主要以男性為主。

撰文:odin | 圖片來源:央視

直播】美女主播居然係男人

根據外媒爆料日前搗破咗一個直播式嘅「詐騙」集團,而該集團利用公司嘅系統化流程,例如「誘餌」同「教唆」用戶去刷禮物,直播平台甚至僱用「聊手」代替女主播刷禮物,以及同觀眾交流談戀愛等,受害者喺短短時間數千元人民幣就會轉瞬消耗一空,但係呢埋受害者都唔知道,日常同自己發訊息噓寒問暖嘅女主播,其實只係直播平台請返嚟嘅「聊手」,而呢啲「聊手」主要以男性為主,直播後台甚至將用戶依照消費能力作指標,將用戶「標注」起嚟,唔少人往往畀人騙咗幾十萬元,直至畀警方告知先會醒悟,甚至有部份人不能接受現實。

【直播】呢啲「聊手」主要以男性為主。
【直播】呢啲「聊手」主要以男性為主。
【直播】受害者喺短短時間數千元人民幣就會轉瞬消耗一空。
【直播】受害者喺短短時間數千元人民幣就會轉瞬消耗一空。

【直播】爆直播平台雇聊手代談戀愛

直播平台買like買觀眾搵打手已經唔係咩新鮮事,有唔少知名嘅直播主剛開始時都被爆曾經買「人頭」充數,但原來除咗有「打手」之外,重會額外搵「聊手」冒充女主播同觀眾私下聊天,聊手以男性為主而女主播則配合公司提供相關「素材」,例如生活照或拎住禮物自拍等,令「聊手」喺日常都可以冒充女主播分享照片及影片,「聊手」們都經過專業訓練,最勁嘅甚至一分鐘可以同時和50多人一齊聊天,靠嘅就係呢一兩百組「萬能罐頭」特別輸入法,再加上對答都會有特別「固定套路」,平時主要同網友噓寒問暖或者特意提到家境困難,甚至主動提出想進一步發展,令「愛心氾濫」嘅觀眾自動付出金錢,後台更會因應「消費能力」嚟篩選用戶,標籤並收集用戶職業、年齡、家境等資料,刷禮物金額高嘅觀眾可以同所謂嘅「女主播」加微信,然後「聊手」就會同「大戶」提出特別請求,例如要求課金幫助令主播更容易獲得勝利等。

【直播】唔少知名嘅直播主剛開始時都被爆曾經買「人頭」充數。
【直播】唔少知名嘅直播主剛開始時都被爆曾經買「人頭」充數。
【直播】「愛心氾濫」嘅觀眾會自動付出金錢。
【直播】「愛心氾濫」嘅觀眾會自動付出金錢。