微信推新功能保用戶私隱 搜狗表示歡迎後霸氣回應

應用程式

廣告

微信官方表示推出專屬輸入法嘅原因,原因並非現有手機系統輸入法太難用,而係因為太多用戶表示現有輸入法和廣告連結的緊密度太高導致輸入什麼馬上就會出現相關廣告,所以先會推出新輸入法,就咁睇情況好似同Facebook差唔多,唔通又關個資外洩事?而另一方面搜狗輸入法在官方就表示歡迎,然後霸氣回應:雖然我們不看好。

撰文:odin | 圖片來源:微博

【微信】微信推新功能保用戶私隱

微信官方為咗想保障用戶私隱,所以公布會推出新嘅輸入法,因為微信團隊表示:經常收到用戶投訴呢頭喺微信入面講完嘅嘢,嗰頭就會喺其他程式入面見到類似嘅廣告,用戶都煩惱緊到底係咪微信出賣用戶聊天記錄畀廣告商,而微信創始人兼騰訊高級副總裁張小龍就回應:「表示微信原意唔打算推出自己嘅輸入法,之後重會針對其他現有功能進行調整,微信本身並唔會收集用戶嘅聊天記錄,甚至睇過用戶聊天記錄嘅員工都會被開除。」

【微信】張小龍表示並無收集用戶資料。
【微信】張小龍表示並無收集用戶資料。
【微信】張小龍透露推出輸入法原因。
【微信】張小龍透露推出輸入法原因。

【微信】搜狗表示歡迎後霸氣回應

微信創始人兼騰訊高級副總裁張小龍爆料指將會推出輸入法後,搜狗輸入法官方亦有作出表態:「喜大普奔!繼搜狗輸入法、QQ輸入法之後,騰訊&搜狗大家族又將新增一名新成員,歡迎微信輸入法!(雖然我們不看好)」,就搜狗呢個霸氣回應外間有多種唔同猜測,外媒指搜狗其實係騰訊控股嘅子公司,並無理由對微信有惡意表態,相信只係開玩笑居多,而且微信輸入法只限微信內部使用,對搜狗唔會做成任何威脅。

【微信】相信搜狗只係開下玩笑。
【微信】相信搜狗只係開下玩笑。

關鍵詞
WeChat微信