罔顧乘客安全隨時出意外 女車長涉開工期間拍抖音片

撰文：odin | 圖片來源：抖音截圖

【抖音】女車長涉開工期間拍抖音片

近日網上流傳一段抖音短片，一名城巴女司機懷疑在工作期間玩電話，甚至將工作片段上載至「抖音」，有關片段接連在網上瘋傳，片段顯示當時係紅燈，網民估計巴士並非行駛中，但車輛依然在路上，司機應該時刻保持警覺，隨即引發網民對道路安全嘅隱憂，城巴職工會有關方面指已經觀看過該段影片，雖然佢唔認識片中嘅女車長，不過亦指岀行車期間安全係十分重要，工會唔建議同事好似片中嘅車長一樣，喺駕駛室使用電話拍攝。

【抖音】罔顧乘客安全隨時出意外

網民根據片段內容指出，拍攝日期為去年10月26日，相信該名司機正駕駛來往華貴邨及銅鑼灣嘅72線，短片長約14秒，短片開頭清楚見到一名身穿城巴制服、佩戴口罩嘅女車長喺車上自拍，其後鏡頭一轉拍攝駕駛室前方，包括八達通機、軚盤及路面等，短片裡面有司機員工編號及全名，巴士前方嘅交通燈為紅燈，相信巴士非行駛狀態。城巴回覆：「不准許車長於駕駛巴士期間使用流動電子裝置，以確保各道路使用者的安全，並會就各項需要跟進的事項作出調查，依照內部守則處理。據悉涉事女車長仍仼職於城巴。」

據了解新巴城巴喺2月時曾經發過內部通告，提及車長禁止執行駕駛職務期間，使用手提電話等電子裝置以及佩戴耳筒等藍芽裝置，包括停車等候及於總站開車前嘅等候時間。通告亦提及如發現有人違規，將作嚴厲紀錄處分，包括即時解僱。

《道路交通條例》第38條列明，任何人駕駛車輛時，如無適當謹慎及專注，或未有合理顧及其他道路使用者，即屬不小心駕駛，最高刑罰可被判囚6個月。《道路交通(交通管制)規例》第42條亦列明，任何司機喺駕駛車輛時，不得手持或置於頭及肩膀之間嘅方式使用流動電話等仼何電訊設備，違者最高可判罰2,000元。