【野外求生預埋你:動物狂奔】蝴蝶效應 生定死由你決定《Animals on the Loose: A You vs Wild Movie》【You vs Wild】

【野外求生預埋你:動物狂奔】蝴蝶效應 生定死由你決定《Animals on the Loose: A You vs Wild Movie》【You vs Wild】

【野外求生預埋你:動物狂奔】自推出互動電視劇《黑鏡:潘達斯奈基》(Black Mirror:Bandersnatch)大獲好評後,Netflix再推出多部互動選擇節目,其中就包括今次《野外求生預埋你:動物狂奔/荒野求生電影版:出逃的野獸(Animals on the Loose: A You vs. Wild Movie)》,面對住猛獸逃脫嘅危險荒野,大家要控制貝爺嘅生死,選擇屬於自己嘅結局。

撰文:odin | 圖片來源:netflix

【野外求生預埋你:動物狂奔】蝴蝶效應

2019年推出過互動電影系列《You vs Wild》之後,今年該系列再次升級,電影裡面作為觀眾嘅你需要幫助「Bear Gryllis」喺野外求生時作出關鍵性嘅決策,例如點樣逃脫獅子嘅追趕或者掙脫猩猩嘅束縛等,「Bear Gryllis」嘅生死大權都在操控喺你手中,今次Netflix以有趣嘅互動方式打破以往沉悶嘅動物紀錄電影,不過電影過往嘅互動似乎未能滿足觀眾們要求,唔少睇完嘅都話無論結局如何主角都唔會死亡覺得唔夠真實,今次《野外求生預埋你:動物狂奔(Animals on the Loose: A You vs. Wild Movie)》改良完就有隱藏彩蛋,大家不坊試多幾下。

【野外求生預埋你:動物狂奔】生定死由你決定

今次嘅《野外求生預埋你:動物狂奔(Animals on the Loose: A You vs. Wild Movie)》講述野生動物們逃出保護區,「Bear Grylls」要追蹤一隻逃脫咗嘅獅子並保護附近民眾,亦要拯救狒狒避免佢畀飢餓嘅掠食者攻擊,重要選擇修復壞咗嘅發電站,而觀眾可以自由決定以上任務嘅順序(先後次序唔同到達時內容都會有影響,所以要試多幾次搵彩蛋),按照個人喜好選擇「Bear Grylls」嘅每一個決定,直接掌握佢嘅生死命運,玩家要喺限時內選擇並因應決定迎來不同嘅結局,就算揀錯都唔緊要,播放途中可以隨時揀返上一個選項再作決定,玩家有機會遇上可怕獅子巨蛇等危機,每個決定都會影響之後故事嘅唔同發展(蝴蝶效應)。

【You vs Wild】食蟲呢啲基本嘢一定會出現。
【野外求生預埋你:動物狂奔】食蟲呢啲基本嘢一定會出現。
【You vs Wild】當你選擇錯誤時就會使用煙霧彈求救。
【野外求生預埋你:動物狂奔】當你選擇錯誤時就會使用煙霧彈求救。

 

相關文章:

Whatsapp暫緩新條款不打算撤回 不接受新條款將無法發送訊息

Whatsapp高調洗底再改條款 嚴正聲明不會分享用戶資料給予FB

「社交移民潮」洗底 推保障用戶私隱 WhatsApp更新2.21.2.18懶人包 【Whatsapp】

關鍵詞
netflix

YOU MAY ALSO LIKE ...