【網絡陷阱】誘食𠝹刀吞白膠漿 韓國網紅推ELSAGATE影片

【網絡陷阱】誘食𠝹刀吞白膠漿 韓國網紅推ELSAGATE影片

唔少家長都會畀小朋友玩手機或者睇YouTube,不過佢哋睇咗啲咩你哋又有冇留意,網絡上充斥大量資訊,如果畀小朋友吸收到錯誤訊息,隨時誤墮網絡陷阱導致有生命危險。近日幾位韓國網紅嘅頻道就傳出「ELSAGATE」現象,內容包含大量有機會誤導小朋友嘅情節,例如食𠝹刀吞白膠漿等,小朋友誤學隨時會有生命危險。

撰文:odin | 圖片來源:YouTube截圖

【網絡陷阱】韓國網紅推ELSAGATE影片

呢個韓國【YouTube】頻道「DONA도나」主打幾位韓國女生,打扮成小童著住鮮豔嘅服裝,再利用聲音顱內高潮(ASMR)聲線嘅風格拍攝唔同嘅影片,但影片內容相當兒童不宜,會令小孩子墮入網絡陷阱,呼籲一眾家長小心。近日就有台灣網民發現呢條頻道,入面百幾條片主攻兒童路線,影片並無對白單靠誇張嘅動作及聲效引起小朋友注意,小朋友誤學隨時會有生命危險。「ELSAGATE」影片容易誤導兒童吸收錯誤資訊,因為兒童大腦重發育緊,隨時會產生邪惡扭曲、暴力甚至道德感低落等情況,而且「ELSAGATE」影片同普通卡通近似,容易誤入YouTube Kids頻道而未被發覺,小朋友隨時中招。

【網絡陷阱】頻道充斥唔少散布錯誤資訊嘅影片。
【網絡陷阱】頻道充斥唔少散布錯誤資訊嘅影片。
【網絡陷阱】兒童有樣學樣就會好危險。
【網絡陷阱】兒童有樣學樣就會好危險。
【網絡陷阱】兒童難以分辨膠紙定係食物。
【網絡陷阱】兒童難以分辨膠紙定係食物。

【網絡陷阱】誘食𠝹刀吞白膠漿

「DONA도나」頻道暗藏大量網絡陷阱,例如頻道裡面會將一啲小孩子平時會接觸到嘅日常用品,拎類似嘅產品嚟進食,例如𠝹刀、剪刀、膠紙及白膠漿等等,雖然佢哋拎住嘅都係食物,但小孩子未必識得分辨,容易誤墮網絡陷阱,大人睇完都會覺得心寒及嘔心,小朋友如果有樣學樣照拎嚟食就會更加危險。外媒更爆料指,該頻道利用年齡漏洞去避過YouTube規例,報稱目標係成人但製作卻以兒童為核心內容,頻道本來以上載打機內容為主,重開後變成一堆網絡陷阱影片,但卻吸引到唔少人收睇,每條片都超過百萬收看,總觀看次數甚至高達100億,相信已經有唔少人吸收到呢類錯誤嘅資訊,建議兒童玩手機時,家長多加從旁指導,以免誤墮網絡陷阱。

【網絡陷阱】食物個樣激似文具。
【網絡陷阱】食物個樣激似文具。
【網絡陷阱】兒童誤學隨時有生命危險。
【網絡陷阱】兒童誤學隨時有生命危險。

YOU MAY ALSO LIKE ...