社交移民潮你嘅帳號隨時永久停用 WhatsApp 漏洞加速勸退離場

Apr 13 2021

「 WhatsApp 」因為私隱條款問題被鬧爆引發「社交移民潮」，唔少用戶已經棄「 WhatsApp 」轉場去到Signal、Telegram或者Line等平台，令「 WhatsApp 」受到重大打擊，「 WhatsApp 」曾經接連打人情牌，推出多種保障用家私隱嘅更新，重嚴正聲明話唔會分享用戶資料畀FB，希望可以贏返用家嘅信心返嚟，雖然好多用家都重係抱住「 WhatsApp 不了」，但依然有唔少人幾邊一齊用，並未完全放棄得到「 WhatsApp 」，今次「 WhatsApp 」又搞單咁嘅嘢，相信神仙都難救。

撰文：odin ｜圖片來源：Whatsapp、Forbes

【Whatsapp】WhatsApp漏洞加速勸退離場

根據外媒報導，「 WhatsApp 」近日出現多個嚴重漏洞，只要取得用戶的電話號碼就可以遠距離將別人帳號永久「停用」，由於操作簡單又不涉及黑客技術，基本上任何人都可以做得到，直接令到全球「 WhatsApp 」用戶構成嚴重危機，消息一出唔少人擔心自己帳號會被惡搞，加上唔少地方明確表明使用方法，令到唔少網民極度不安。

現時得知攻擊者會透過「 WhatsApp 」多次驗證會無法再收到驗證短訊的漏洞「bug」，「 WhatsApp 」在12小時內驗證手機短訊的發送次數有限，攻擊者藉此令「 WhatsApp 」無法再向相關電話發送短訊，及後「 WhatsApp 」就會觸發漏洞「bug」，令用戶永久無法收到驗證短訊，就算有設置雙重驗證都無辦法阻止呢個漏洞「bug」，後續重可以向「 WhatsApp 」要求令帳號從手機登出，從而令到用戶帳號永久無法登入「 WhatsApp 」。