外媒爆料iOS私隱報告 咩APP收集最多個人資料 Facebook排第二??

外媒爆料iOS私隱報告 咩APP收集最多個人資料 Facebook排第二??

呢個年頭個人資料比好多嘢更為重要,但近期接連傳出唔少平台都有偷偷地收集用家個人資料及數據,就連出名較安全嘅iOS系統都唔例外,雖然而家「App Store」喺你安裝之前,會顯示呢個應用程式將會記錄你邊啲個人資料,但其實呢啲應用程式所收集用家嘅個人資料,遠比你想像嘅重要多。

撰文:odin | 圖片來源:pCloud

【個人資料】外媒爆料iOS私隱報告 Facebook排第二??

外媒喺近日發布咗數據報告,報告裡面收集咗好多款iOS熱門嘅App,重紀錄低呢啲App到底收集咗幾多用家嘅個人資料,雖然而家「App Store」喺你安裝之前,會顯示呢個應用程式將會記錄你邊啲個人資料,但其實呢啲應用程式所收集用家嘅個人資料,遠比你想像嘅重要多,「Instagram」同「Facebook」收集用家個人資料數據,與第三方廣告商共享最多,收集咗用家包括有購買者資料、位置、聯繫方式、用戶內容、搜索歷史、瀏覽歷史等等,用家喺不知不覺已經失去咗咁多個人資料,重要係喺iOS系統平台上。

【個人資料】當大家以為最安全嘅時候,其實內裡暗藏大量危機。
【個人資料】當大家以為最安全嘅時候,其實內裡暗藏大量危機。
【個人資料】大量程式都有份暗地裡偷用家個人資料。
【個人資料】大量程式都有份暗地裡偷用家個人資料。

【個人資料】咩APP收集最多個人資料

其中「Instagram」收集咗79%嘅個人數據,而「Facebook」亦收集咗57%嘅數據,另外重發現時下最流行嘅串流影片及音樂平台「YouTube」及「YouTube音樂」都收集咗多達43%嘅用家個人數據以與第三方共享。「eBay」、「TikTok」、「Duolingo」、「Deliveroo」及「Trainline」都排喺數據收集嘅頭10位應用程序,其中一啲常用嘅程式例如:「Reddit」、「Snapchat」、「Spotify」、「Pandora」、「ESPN」及「CNN」都佔咗排名頭20位。至於比較安全以及唔會收集用家過多個人資料嘅程式就有「Signal」、「Clubhouse」、「Netflix」、「Shazam」、「Etsy」、「Skype」同埋「Telegram」,此外從iOS 14.5開始Apple將會要求訪問用戶廣告標識符,以便進行跨應用及網站跟踪應用,喺用家使用前就必須獲得明確許可,或許能夠有助於減少某啲第三方數據共享問題。

【個人資料】IG比Facebook偷取更多個人資料。
【個人資料】IG比Facebook偷取更多個人資料。
【個人資料】唔少大家常用嘅程式都榜上有名。
【個人資料】唔少大家常用嘅程式都榜上有名。

YOU MAY ALSO LIKE ...