【Clubhouse】介面激似原版 網民難分真假 中國驚傳牆內版《Clubhouse》

【Clubhouse】介面激似原版 網民難分真假 中國驚傳牆內版《Clubhouse》

【Clubhouse】厲害了我的國,傳出咗中國封《Clubhouse》無幾耐,即刻就傳出有個牆內版《Clubhouse》,重強調用家喺農曆新年期間就有得玩,望落又真係極之相似喎!到底係咩App咁把炮?一齊嚟睇睇!

撰文:odin | 圖片來源:微博

【Clubhouse】中國驚傳牆內版《Clubhouse》

當Clubhouse全球火熱登場後,唔少企業都摩拳擦掌爭相準備推出類似應用程式,近日阿里巴巴就宣布即將推出呢款名為《Meetclub》嘅軟件,重點係《Meetclub》同《Clubhouse》極之相似,介面同功能都幾乎一樣,《Meetclub》用戶同樣可以「開房」舉手要求發言、選擇角色例如管理員、聽眾以及特邀嘉賓,同房內其他用戶一齊聊天等功能。

【Meetclub】介面真係極之相似,連掣位都跟到一模一樣。
【Meetclub】介面真係極之相似,連掣位都跟到一模一樣。
【Meetclub】內測重未開始,但已經吸引咗唔少網民關註。
【Meetclub】內測重未開始,但已經吸引咗唔少網民關註。

【Meetclub】介面激似原版 網民難分真假

今日喺《Clubhouse》度就已經有房間討論今次《Meetclub》疑似抄襲事件,有人認為今次再次顯示咗「中國速度」之快,亦有人認為《Meetclub》只不過係中國版嘅《Clubhouse》,因為單係講功能方面,《Meetclub》亦並非單純係「漢化」版本,亦有網友指出《Clubhouse》本身背後技術都係靠「中國嘅技術」,所以成件事並無抄襲,亦有人擔心《Meetclub》會被監聽,聊天室內會利用一大堆暗號先可以傾到計。

【Meetclub】微博已經火熱進行預告。
【Meetclub】微博已經火熱進行預告。
【Meetclub】內測碼睇嚟都會有排爭。
【Meetclub】內測碼睇嚟都會有排爭。

YOU MAY ALSO LIKE ...