【特朗普】特朗普計劃創自家社交平台 前競選顧問爆料三個月內回歸

應用程式

廣告

舊年美國一場大選令美國傳統媒體及社交媒體平台變得千瘡百孔,前任美國總統特朗普係一位社交網站能手,Twitter唔少熱議都係由佢帶起,不過喺選擇期間特朗普就被「Facebook」及「Twitter」等社交平台接連封殺,影響咗佢連任嘅勝算,就喺新一任總統拜登上任數月後,近日佢一位前競選顧問爆料指特朗普有意推出自家社交平台為下屆選舉舖路。

撰文:odin | 圖片來源:Wiki

【特朗普】特朗普計劃創自家社交平台

美國前總統特朗普喺卸任前後接連被多個社交平台封殺,特朗普當時被指涉及網上鼓吹暴力、煽動民眾衝擊國會等原因,而被「Twitter」永久封鎖特朗普嘅社交帳戶,「Facebook」亦都緊接住宣布將特朗普嘅「FB」及「Instagram」帳號無限期封鎖,「FB」獨立監督委員未作出裁決會否將特朗普帳號重開,特朗普早前批評言論自由受到打擊,考慮嘗試「自立門戶」建立特朗普自家社交平台,近日特朗普一位前競選顧問爆料,指特朗普正準備回歸社交平台,重回大眾嘅目光之中,特朗普更會設立自家社交平台,一改既有社交平台玩法咁話。

【特朗普】特朗普計劃創自家社交平台強勢回歸。
【特朗普】特朗普計劃創自家社交平台強勢回歸。
【特朗普】特朗普被爆正為下屆選舉舖路。
【特朗普】特朗普被爆正為下屆選舉舖路。

【特朗普】前競選顧問爆料三個月內回歸

特朗普嘅前競選顧問「Jason Miller」早前向媒體爆料,指特朗普正密鑼緊鼓咁籌備推出自家社交平台,預計將於兩至三個月內就會重返社交平台戰場,重話特朗普早前喺佛羅里達州嘅海湖莊園裡面同一班商界人士會面,當中就談及到正研究推出特朗普自家社交平台,希望重返大眾及媒體嘅視線,重預計將會有數以千萬計嘅人想加入該平台,特朗普更會重新定義社交平台嘅遊戲玩法(Completely redefine the game),不過目前唔可以透漏更多嘅細節。

【特朗普】前競選顧問爆料預計特朗普三個月內回歸社交平台。
【特朗普】前競選顧問爆料預計特朗普三個月內回歸社交平台。
【特朗普】特朗普將回歸大眾目光之中。
【特朗普】特朗普將回歸大眾目光之中。
【特朗普】大家期待嗎?
【特朗普】大家期待嗎?