進擊的巨人結局︳迎來完結篇！5大亮點 網民：神作最強之首尾呼應！
有劇透！有劇透！有劇透！有劇透！
進擊的巨人完結篇︳1. 作者諫山創調整咗結局的分鏡！
其實係開播《進擊的巨人》完結篇（後篇）時，官方就公布作者諫山創感言，內容中佢先多謝粉絲咁多年的支持，同埋表示完結篇後半部就算係漫畫都非常難繪製，但係就算辛苦，佢都會堅持，更表示佢改動咗最後幾幕的分鏡，重新繪製，所出現不一樣的地方，呼籲大家都一定要睇到最後。
進擊的巨人完結篇︳2.九大巨人大混戰
《進擊的巨人第四季：The Final Season 完結篇（後篇）》講到眾人終於嚟到「地鳴」艾連背上，今次要面對的唔單止係一般巨人咁簡單，係歷代九大巨人，呢個時候剛好阿爾敏被捉走咗，喺得返咁少人、資源短缺、兵長身體狀況愈來愈嚴重、九大巨人識無限復活的情況吓，簡直係最大苦戰！
進擊的巨人完結篇︳3. 最強之首尾呼應！
《進擊的巨人》喺埋伏線以及玩首尾呼應一直都係非常出色，但你又點會估到第一集已經開始「伏」緊！睇返《進擊的巨人》第一集原來係叫〈致二千年後的你〉，一開場艾連喺草地嚇醒咗，然後同米卡莎講「我點解會喺度」、「好像做了一場很長的夢」去到最終季第2部〈二千年前的你留下的…〉再來回應返喺第一集埋的伏線以及解答所有的懸疑位。再到最後一集，艾連被米卡莎埋葬喺艾連最愛瞓晏覺的位置，真係最強之首尾呼應！
進擊的巨人完結篇︳4.艾連渣男終認愛：我才不要米卡莎有別的男人
米卡莎對艾連的愛意由首集已經非常明確，不過艾連就一直都無認愛，好似米卡莎一直單方面愛戀艾連咁樣，去到結局時，艾連同阿爾敏的對話中，艾連終於承認！阿爾敏問艾連米卡莎可唔可以好似佢期望咁忘記咗佢同其他人過上幸福的生活，艾連像隨口答咗句「我那知道」被阿爾敏打了一拳，認為佢渣男一直係度糟蹋米卡莎的感情，點知艾連竟然喺呢個時候哭住話「我不要！我才不要米卡莎有別的男人！我希望佢這輩子心裡只有我」米卡莎對於艾連的反應都表示好驚訝。
進擊的巨人完結篇︳5. 無限輪迴的戰爭
《進擊的巨人》完結篇（後篇）雖然眾人成功解決咗「地鳴」，但艾連一早已表示就算佢踩死咗8成的人類，人類都係吸取唔到教瞓，戰爭係永遠都唔會停止，而佢無論點樣改變都無用，阿爾敏都難以置信「沒有了人類就不會發生戰爭」的說話。到最後艾連的預言亦成真，雖然巨人伴隨艾連的離開而消失，但係葉卡派主導下仍成立起軍隊，因為擔心島外倖存者會進行復仇，結果但人類終究無辦法維持永遠的和平，只係喺戰火中輪迴。而片尾時，有一位男孩經過艾連長眠的嗰棵樹，仲似乎想踏進樹洞中，暗示歷史又會即將回到原點！
