天竺鼠車車7大秘密！熱爆全城！原來真人大有來頭！
撰文：海月｜ 圖片：天竺鼠車車
天竺鼠車車7大秘密！熱爆全城！原來真人大有來頭！
《天竺鼠車車》是一部以羊毛氈所製作嘅3分鐘定格兒童向動畫，不過相信喺1月新番開播之前，都無人會諗到《天竺鼠車車》會成為人氣作品。《天竺鼠車車》第一話播出後點擊率即破百萬，火速成為網路熱話。
天竺鼠車車秘密1：
《天竺鼠車車》係以羊毛氈所製作嘅定格動畫，以「天竺鼠」加「汽車」結合嘅生物，去講述每一集單元故事，喺短短3分鐘動畫內經歷著各種大城小事。天竺鼠車車搞笑逗趣嘅畫面及動作，加上唔同鼠鼠叫聲，意外戳中唔少觀眾萌點。有別於一般動畫，定格動畫一天只能拍幾秒。
天竺鼠車車秘密2：
監督目里朝希表示，《天竺鼠車車》嘅靈感係嚟自將小型客貨車想象成治癒系天竺鼠，天竺鼠車車雖然由人類駕駛，不過就擁有個人意志。監督目里朝希想透這部動畫，傳達出喺一個人人隨波逐流嘅社會中，大家依照自己想法行動嘅重要性及樂趣。
天竺鼠車車秘密3：
第一集中嘅男司機，就係監督目里朝希本人，而女司機則係佢真正嘅姐姐。而監督目里朝希手上電話中嘅天竺鼠相片，則係佢本人現實中所養嘅天竺鼠。
天竺鼠車車秘密4：
《天竺鼠車車》基本上並無標誌性表情，亦無台詞，而所有叫聲就取自真實嘅天竺鼠。
天竺鼠車車秘密5：
《天竺鼠車車》五個主角：阿比、朱古力、馬鈴薯、西羅摩、泰迪，馬鈴薯個性隨和、路見不平拔刀相助；西羅摩十分膽小，不過因為善解人意，經常捲入麻煩事中；「P牌仔」阿比認真且富有好奇，一副衝衝子性格；時尚達人朱古力，每刻都要優雅端莊，夢想成為世界第一高級嘅天竺鼠車車；泰迪性格衝動，係一個愛惹禍嘅小朋友。
天竺鼠車車秘密6：
《天竺鼠車車》雖然可愛非常溫暖人心，不過監督見里朝希過去嘅作品其實偏向暗黑，例如得獎無數的《My Little Goat》，講述被狼吃掉了小羊後，小羊一家身心創傷後遺症，羊媽媽更因而拐走了一個小孩。
天竺鼠車車秘密7：
《天竺鼠車車》明明係車，不過走路都嘅用車輪轉動，而係用一步一步往前走。
