【壽屋】《遊戲王》三幻神激重量級PVC塗裝完成品登場！內文有片+多圖+入手方法！

Jun 29 2021

【壽屋】《遊戲王怪獸之決鬥》絕對係唔少80後及Card Game玩家嘅「入門作品」，當中三幻神更以近乎無敵嘅實力喺動畫中俘虜唔少粉絲嘅心。今次壽屋就以《遊戲王》三幻神為原型，推出「壽屋重巧超大系列」最新PVC塗裝完成品：歐西里斯的天空龍、歐貝利斯克的巨神兵、太陽神的翼神龍，想知幾錢、入手方法？即刻睇睇！

撰文：海月｜圖片：壽屋

壽屋《遊戲王》三幻神激重量級PVC塗裝完成品

日本著久模型公司「壽屋」（KOTOBUKIYA），日前就發布旗下全新系列「重巧超大」，更以《遊戲王怪獸之決鬥》中凌駕於所有戰鬥怪獸之上嘅「三幻神」，推出三款PVC塗裝完成品新作，包括：歐西里斯的天空龍、歐貝利斯克的巨神兵及太陽神的翼神龍。

壽屋全新系列「重巧超大」主打極具魄力巨大尺寸，以及夠完整表現出角色造型美超凡細節嘅塗裝完成品，第一隻「歐西里斯的天空龍」全長約50cm，配上鮮豔的紅黑配色軀體、而招牌嘅巨大雙翼及兩張嘴都忠實還原，而天空龍嘅頭部、尾巴、翅膀嘅陰影效果及線條都細緻高度還原，而頭、手、腳位置亦係可動關節設計，令整體可玩性大增！

歐西里斯的天空龍

建議售價：¥21,800

預計推出日期：2021年11月
而「歐貝利斯克的巨神兵」高約35cm，亦係今次新品中唯一沒使用支架、可以雙足立於大地嘅三幻神。巨神兵主體以消光效果的藍色為主調，配上大量黑線還原原著陰影，加上壯碩無比嘅軀體微微前傾，有著極為強烈壓迫感。o雖然只有頭部可動，不過今次巨神兵附送「開掌狀態」左手部件，略為增加可玩性。