咒術迴戰丨無視鋪排為「反轉」走火入魔！細數3大暴走漫畫有一本已重畫
廣告
咒術迴戰丨《咒術迴戰》漫畫版近日更新迎來236話，不過當中劇情竟然嚟個大反轉，關於五條悟的下場引起網民熱議。唔少粉絲睇完都鬧爆作者芥見下下對於五條悟下場的安排十分奇怪，更引發了一次「大炎上」，上埋X (twitter)熱門。對於《咒術迴戰》漫畫版的劇情大反轉，引發起網民認為最近唔少漫畫都出現過類似的問題。
咒術迴戰︳為「劇情神反轉」無視鋪排、人設、邏輯
近日對於《咒術迴戰》漫畫版的最新更新引起網民熱議，有網民更發起「發覺班日本漫畫家為咗反轉走火入魔得好嚴重」的討論，認為唔少知名漫畫都出現過呢個問題，為咗令讀者估唔到劇情、結局而去作出「劇情神反轉」的改動，無視一直的鋪排、人設、邏輯等，劇情的過程變得無意義「咒術唔係反轉，係反智」「意料之外 但都要情理之內」。除了《咒術迴戰》之外仲有網民舉出《進擊的巨人》、《一拳超人》、《我的英雄學院》等例子，都係令讀者大感失望。
《一拳超人》劇情暴走需重畫！
曾成為一時大熱的《一拳超人》曾被鬧爆！漫功超班的漫畫家村田雄介重畫《一拳超人》，製成「村田版」，但後來讀者發現愈畫愈同原著劇情出現偏差。《一拳超人》反派餓狼被鬧劇情拖咗2年，反來性格突然變到同原作出現極大偏差，最後更在211話取出傑諾斯的核心。被鬧爆的「村田版」收到太多投訴，最後再推出單本重畫。唔少網民都希望《咒術迴戰》可以好似《一拳超人》咁可以重畫，令五條悟唔駛「最強的首抽，最差的下場」。
《進擊的巨人》相比下至少有舖排
同樣結局受爭議的《進擊的巨人》都指係令人難以代入，好似為反轉而反轉「始祖條愛情線真係得A0毒x先諗得出，完全代入唔到」「巨人最尾幾話完全毁咗成個故事」不過仍有唔少網民力撐，認為其實反轉得算合理又精彩，同《咒術迴戰》、《一拳超人》無得比。「巨人作者一開始就諗好哂架構同結局，過程起承轉合又多經典場面，咒術邊畫邊諗，高下立見」「巨人都叫有舖排，純粹唔啱大家心水，咒術連舖排同基本邏輯都唔理」「巨人個故事無問題喎，好合理嘅劇情」「巨人純粹衰個尾姐 頭到結局前都好精彩」
世一之漫畫《火影》《鋼之鍊金術師》
網民認為好的作品要「識得完」，唔好拖劇情同埋為反轉而反轉，討論中《火影忍者》、《鋼之鍊金術師》就被最多網民大讚係世一之漫畫，無搞到爛尾又暴走。
圖片來源：《火影忍者》、《鋼之鍊金術師》、《一拳超人》、進擊的巨人、《咒術迴戰》
