張敬軒演唱會｜軒公超sweet送大禮首場勁歌熱舞Encore歌超驚喜！

Dec 21 2022

張敬軒一連11場的跨年騷《Revisit張敬軒演唱會》昨晚(20日)喺灣仔會議展覽中心展開序幕，事前講明今次會回顧非主打歌，軒公亦非常細心多番提醒歌迷要先溫書。昨日首場會員場，一開場軒公即嚟勁歌熱舞，仲送大禮俾fans，雖然唱非主打歌，但軒公依然為粉絲帶嚟重重驚喜！

張敬軒張敬軒以白銀西裝登場。 — 張敬軒以白銀西裝登場，型爆！（圖片來源：東方新地）

張敬軒今次雖然非主打歌場，但依然爆滿，一飛難求 — 今次雖然非主打歌場，但依然爆滿，一飛難求（圖片來源：新monday編輯部）

造型華麗閃亮重唱《裝睡的情人》

張敬軒的歌藝不容置疑，出場時的白銀西裝已經好SHARP，之後多個造型都好華麗，其中一套黑色長袍造型被指似吸血殭屍Look，軒公更與男Dancers大跳貼身舞，意識好大膽。之後軒公自彈自唱兩首歌，其中《裝睡的情人》軒公表示呢首歌唱現場非常難，但都想唱俾會員場的粉絲聽。軒公對自己要求甚高，喺表演時稍有少甩，即聲言要為大家再重唱，務求要做到最好。

張敬軒呢隻舞令全場歌迷尖叫不絕。 — 呢隻舞令全場歌迷尖叫不絕。（圖片來源：東方新地）

張敬軒張敬軒與男Dancer都表現得好投入。 — 張敬軒與男Dancer都表現得好投入。（圖片來源：東方新地）

張敬軒張敬軒呢套白色西裝鑲了藍色閃片，非常sharp醒。 — 張敬軒呢套白色西裝鑲了藍色閃片，非常sharp醒。（圖片來源：東方新地）

張敬軒張敬軒對自彈自唱呢part有啲唔滿意，仲話要重唱。 — 張敬軒對自彈自唱呢part有啲唔滿意，仲話要重唱。（圖片來源：東方新地）

舞台投影效果帶來視聽饗宴

張敬軒不止為歌迷帶來聽覺上的享受，今次的舞台效果更非常之特別，多首歌曲都加入投影的視覺效果，當中有些視像更用AI 技術製作，他曾表示這次會更加以歌曲自身出發，當中有重新的編曲及演繹，也會配合聖誕節的歡樂氣氛，為歌迷帶來高級的視聽饗宴。

張敬軒今次的舞台效果非常之出色。 — 今次的舞台效果非常之出色。（圖片來源：東方新地）

張敬軒張敬軒表示背後的視覺效果用AI製作。 — 張敬軒表示背後的視覺效果用AI製作。（圖片來源：東方新地）

場場送厚禮掀全晚高潮

在演唱會的中段，張敬軒走到T台與歌迷互動，仲話場場都會送禮物，第一份送出的是價值2,000元的米線現金卷，軒公好識搞氣氛，令現場觀眾情緒非常高漲，他說：「通常啲名貴禮物都係畀980蚊嗰啲觀眾，講笑咋！二等獎係兩枝電動牙刷 …呢啲唔係植入式廣告，係我自己諗出來，我想同大家分享我嘅喜悅…我個人好講意頭，一送送兩枝…」而特等獎就是一部手機，張敬軒用「軒公指南針」定位篤出幸運兒，仲搞笑話之後搶飛可能係因為有禮物。

張敬軒張敬軒揀了這位中學生送出兩枝名貴牙刷。 — 張敬軒揀了這位中學生送出兩枝名貴牙刷。（圖片來源：東方新地）

張敬軒軒仔用人肉指南針亂篤，篤出幸運兒。 — 軒仔用人肉指南針亂篤，篤出幸運兒。（圖片來源：東方新地）

化身男團Idol 勁歌熱舞

軒公指自己想一圓男團夢，所以特意為大家表演一段勁歌熱舞同埋狂派心心哄粉絲，真係估佢唔到，搞笑指段舞真係「好油膩」希望大家唔好介意。

張敬軒潮唱《First Love》貼心準備廣東譯音

張敬軒的《Revisit張敬軒演唱會》今晚(20日)開鑼，繼5月開完紅館演唱會後，只相隔約7個月又再開騷，今次演唱會將會回顧過往發表過的非主打sidetrack作品，果然最耳熟能詳的《櫻花樹下》、《青春常駐》全部都唔唱。演唱會在8時半開場，張敬軒帶領住十幾位Dancers登場，非常有氣勢，又跳又唱走到搭建的T台，與歌迷拉近距離。歌單中最有驚喜是軒公在第二次Encore時唱出最近翻Hit的日文歌《First Love 》，還準備廣東話譯音字幕，與歌迷大合唱。