《魷魚遊戲》001號78歲吳永洙遭起訴性騷擾網民：臨老入花叢？

Nov 25 2022

Netflix首季劇集《魷魚遊戲》播出後大獲好評，上映期間都衝破收視記錄，第二季確定回歸亦引來觀眾的期待。因《魷魚遊戲》一炮而紅的78歲老演員吳永洙，今年年初才獲提名成為金球獎最佳男配角，近日就爆出桃色糾紛，被起訴性騷擾！

《魷魚遊戲》001號被告性騷擾

飾演001號的吳永洙，據韓媒報導，今日（25日）爆出佢被控性騷擾的消息，並已經依法移送法院候審。事件發生於2017年，吳永洙被控與一名女性有唔恰當的身體接觸，當時已經報晒警，經過調查後，警方都判斷唔需要送往法院。案件以為告一段落，點知女方唔滿意結果，再次上訴，去年上訴成功，成功鬧到上法庭！而吳永洙就回應韓媒採訪，否認呢件事，指只係「單方面的主張」，表示當時只係2人喺湖邊時，因幫女方搵路，為指出正確的方向先會拖咗女方隻手。而喺去年因為覺得唔會發生咩問題，先對該女士作出道歉，並唔係承認自己有做過。