有米KOL疑再爆Coffee4宗罪貼合照數細節本人親回！

Nov 21 2022

KOL日前爆林芊妤Coffee疑婚後仍出席富豪飯局，令人在外地的Coffee嬲爆揚言出律師信，激動澄清唔認識此人。有米KOL「Sean Lam」咬住唔放，貼合照證一早認識，揭Coffee講大話，更力數對方4宗罪，再爆飯局細節，話題度高過世界盃﹗

林芊妤 Coffee林芊妤正同老公及囝囝在泰國度假，激動澄清後，連日大晒三點式。 — Coffee林芊妤正同老公及囝囝在泰國度假，激動澄清後，連日大晒三點式。（圖片來源：IG＠coffee89921）

同林芊妤Coffee識於微時：知道佢最多故事﹗

林芊妤Coffee捲入富豪飯局疑雲，與家人在泰國度假的她，火速激動澄清，指爆料者Sean Lam在網上亂講不負責任，更指根本不認識對方，更揚言出律師信，及後「自己衝動咗」唔再出信告人誹謗。Sean Lam的老婆Toby原來是吳若希老公Alex前度，加上有米背景，有不少KOL及藝人朋友，稱擁有不少黑材料。Sean Lam爆料同Coffee是中學師兄妹關係，又曾與她閨密拍過拖，因此「朋友圈中我知道她最多故事」。

林芊妤 Sean Lam開花店，有不少藝人客仔，前妻Toby左）。 — Sean Lam開花店，有不少藝人客仔，前妻Toby（左）。（圖片來源：IG＠seanlam_888）

貼合照揭Coffee講大話

Sean Lam其後貼出與Coffee合照，以揭Coffee「唔識佢」講大話。另一邊廂，Coffee在粉絲TG群組被追問飯局事件，被重提當年上海仔為她搞生日宴，成功引得本尊Coffee回話：「睇嚟你哋真係冇嘢好講要拎番啲10年前嘅嘢嚟講，點解你唔叫嗰個爆料者畀啲新相你哋睇？」、「只怪我結婚之後掛住做師奶，應該積極做多啲娛樂新聞畀佢地」，又請大家專注自己生活，會更有意義﹗有人又貼出Sean Lam與她的合照追問，Coffee終回應當日是陪前度Dan出席活動，「大家對識嘅定義不同，點記得同過邊個影過合照。」

林芊妤貼相力證同Coffee認識。 — 有米KOL貼相力證同Coffee認識。（圖片來源：IG＠seanlam_888）

Coffee本尊TG粉絲群組回應：

愛在朋友圈講是非、用KOL身份去欺凌？﹗

Sean Lam爆料指Coffee喜歡在私下朋友飯局會講朋友是非，他不想聽想離開這個圈子，有人就向他前妻Toby指他有精神病，「不斷係圈中傳開話我有精神病，我前妻又信尔哋，掛住同你哋飲酒失蹤」。同時他又疑爆Coffee用KOL身份去蝦人，「呢啲咪冷爆力，屈我有精神病搞到我離婚，呢啲人用KOL形象去欺負人，恃住自己在KOL界人氣高、形象變正面，四圍講到令大家都信。」其後又爆婚後飯局在W Hotel發生。

林芊妤 Coffee與囝囝在泰國，大晒弗爆身材。 — Coffee與囝囝在泰國，大晒弗爆身材。（圖片來源：IG＠coffee89921）

林芊妤有網民爆被從良人妻KOL轉型前惡行。 — 有網民爆被從良人妻KOL轉型前惡行。（圖片來源：IG＠seanlam_888）

爆打假波：唔好似為瑜伽可以升級！

其後又爆「Coffee」不是天然胸，以咖啡emoji疑似影射Coffee，爆料「經歷了兩次手術，早期係假體，後來抽出來改自體脂肪，真胸係言語上嘅藝術，小朋友唔好以為Yoga可以升級，你地跟佢做Yoga咁耐有升過級咩？」

林芊妤 Coffee教人做運動令改善身型，並以自己做人版。 — Coffee教人做運動令改善身型，並以自己做人版。（圖片來源：IG＠coffee89921）

林芊妤大爆有人不是天然胸。 — 大爆有人不是天然胸。（圖片來源：IG＠seanlam_888）

林芊妤用咖啡emoji影射Coffee，大爆有人打假波！ — 用咖啡emoji影射Coffee，大爆有人打假波！（圖片來源：IG＠seanlam_888）

婚後出席飯局身不由己？

Coffee堅稱唔識Sean Lam，但對方就繼續爆料，指已辦理離婚手續的前妻Toby曾為富豪打工，會安排藝人出席飯局，對於有網民不明為何從良已婚KOL有幸福家庭、自己又搵到，為何仍出席飯局？Sean Lam解釋成為知名KOL後，飯局價幾級跳，而且飯局後有無下文，是即場再傾，無人迫到你，又指：「因為婚前靠呢樣嘢搵食，婚後被邀出席飯局但不敢拒絕，是怕擁有大量證據的中間人會爆大鑊，所以婚後繼續會去」又指「飯局後有無下文人人唔同」。