徐淑敏IG大曬生日Party開心時刻 囡囡再次成關注!
徐淑敏IG大曬生日Party開心時刻 囡囡再次成關注!
徐淑敏近日牛一,正式踏入38歲,不過就咁睇相真係完全唔似快40歲的女人。是次生日身上一身「Coco Chanel」風格的復古貴族服飾,兩位好姊妹沈卓盈同陳自瑤同樣以經典「Chanel Style」現場,背景則用上「Tiffany & Co.」的Tiffany Blue佈景版,的確係落足心機!身穿貼身裙的Suki,大展迷人性感身段,38歲仲係Keep得超好!
黃浩再顯強大基因
當然主人翁都有同老公合照,Sweet爆同框大曬幸福。而Suki今次都十分大方,Post出自己與家人同朋友的大合照,當中Suki的兩個囡囡同樣有出鏡,不過一出鏡再次成為了熱話。爸爸黃浩的強大基因再一次彰顯威力,今次囡囡同黃浩共同向下望向媽媽,同一個神情同樣子可以話係「父女Copy&Paste」!
網民大讚:好靚女!
黃浩同徐淑敏原來在同一個月內生日,一個月內大搞兩次生日Party,老公生日就大玩《Top Gun》主題;老婆生日就玩轉「Coco Chanel」同「Tiffany&Co.」,認真落足心機啊喂!網民都大讚:「襯到爆~俊男美女」、「你最靚,Happy birthday」、「女神真美」。
重溫徐淑敏慶老公黃浩50歲大壽 三個囡囡成全場焦點
近日老公黃浩踏入50歲大壽,老婆徐淑敏今次大玩變裝party,Cosplay成為《Top Gun》造型。一家五口生活過得十分融洽,而三名分別12歲、11歲和8歲的女兒齊齊在照片中亮相。三位女兒各有千秋,亭亭玉立齊齊出鏡!
囡囡似足爸爸
不過有網民大讚黃浩「基因強大」,三個囡囡的樣子都似足黃浩,眼睛同老竇一樣樣。有網民就笑稱:「三個囡囡都唔似徐淑敏。」,有人更指:「以前聽人講過, 生女似老豆,生仔似老母,依家我信喇」。
不過都有網民將徐淑敏同三位囡囡作比較,認為囡囡無法遺傳到媽媽的美貌是比較可惜。不過俗語都有話:「女大十八變」,三位囡囡都仲未踏入18歲,可能之後會變得更加靚,似返徐淑敏都不足為奇啊!