莊思明大爆蝕咗成千萬 楊明因一個理由一直未有求婚！
廣告
楊明（Mat）是非問題不斷，繼早前因不小心駕駛罪成被判監18日，准保釋上訴，之後便少有再公開露面，後來與女友莊思明開的燉湯店月蝕7位數，傳出面臨全線門市結業的問題！2人拍拖6年，唔少人都認為經歷咗高山低谷，佢哋都應該準備步入結婚階段，不過最近莊思明大爆未結婚係因為無錢？而且男方仲未求婚？
莊思明無咗成千萬 堅持對楊明「非君不嫁」
據其他傳媒報導，莊思明對楊明態度從一而終，就算當時楊明面臨不小心駕駛要打官事，莊思明都誓言「非君不嫁」，對男方不離不棄，外界都早已認定2人！講起與楊明的婚事，莊思明指出雙方家長都頗為傳統，要擺酒結婚高朋滿座，同埋等父母喺馬來西亞返嚟見證重要時刻之後先會成為楊太。又指搞婚事要洗好多錢，早前因為燉湯店生意蝕錢，單係灣仔分店都蝕咗3、4百萬，再加上楊明官事都花費唔少，加加埋埋無咗成千萬。雖然有傳莊思明家底豐厚，不過佢就指就算幾豐厚都會有花光的一日，令2人婚事推遲。
楊明一直都未求婚
雖然如此，但莊思明爆出原來楊明一直未有正式求婚，令莊思明不滿佢係一個唔浪漫的男人！原來楊明覺得2人好似早已結咗婚咁，親戚好友都皆知2人為伴侶，所以等所有嘢順順利利之後先會諗結婚。
重溫楊明終於捱唔住《燉》結業
香港抗疫兩年幾，飲食業多番因為疫情而大受影響，楊明的燉湯店「燉」就曾經話冇影響，上年年中仲在開設第七間分店，不過佐敦分店就結業，keep住有6間店。今次第5波疫情，禁6點後晚市堂食再加全城留家抗疫，「燉」生意一落千丈，楊明亦終於捱唔住。起先決定把5間分店停業，只剩一間做外賣生意，莊思明直認生意難撈，加上業主不肯減租共時艱，政府提供的津貼又不輪到他們這些小商戶，食店開一日蝕一日，惟有忍痛停業和解僱員工。後來都係頂唔住，元朗店改名繼續營運，其他分店門市全線停業，改為網上營運。
圖片來源：ig＠lisa_chng，IG@matyeung
