Tyson Yoshi 演唱會勁騷肌 網民嘲只係好普通 其實唔好睇?!
網民:話Tyson Yoshi身材好睇嘅人係咪盲?
上月剛過28歲生日嘅Tyson Yoshi 本月係九展嘅《MY NEW WORLD ORDER》演唱會未開Show已經聲勢浩大,加上開Show後Tyson大方曬肌,引爆台下Fans之外,關於Tyson嘅福利圖亦係各大社交平台引起回響。但亦先後有網民發文指Tyson身材不外如是,尤其腹肌不够吸晴,歷來大把男明星操得比Tyson正,更嘲覺得Tyson身材好睇嘅人係咪盲?!發文引來不少持正反意見嘅網民討論。
網民稱Tyson身材只係符合普通人審美
另一邊廂亦有網民就Tyson身材發文,指以Tyson比例操太大隻就過咗火,現時身材亦只係普通人眼中嘅有型。發文一出同樣引來唔少網民討論,有不少網民表示認同,主要因為Tyson唔算高挑,認為操得身形太橫返而越顯矮。亦有網民指因為Tyson本身身型比例就未算好,所以點操都唔會理想。同樣都有網民指Tyson腹肌未够出眾,全身比例亦屬於體脂高,唔算操得fit。不過有大部分網民認為Tyson身材已經不俗,相當吸睛,毋須要求太高。
Fans最受落 Tyson演唱會一半時間無著衫騷肌
對於Tyson身材係咪完美似乎各有見解,但對於fans而言,絕對足夠吸睛。早前 Tyson Yoshi 聯同姜濤、柳應廷(Jer)、林家謙合作演出《拉闊音樂會風火雷電》,Tyson突然於台上除衫,大騷肌肉已經引來驚人哄動。對比當時嘅限時福利放送,今次一連四場嘅九展演唱會《MY NEW WORLD ORDER》Tyson毫不吝嗇大方騷肌肉,基本上每場都有一半時間無著衫騷肌,演唱會上亦會播出Tyson於開騷前特意操肌嘅特訓過程,引到台下fans尖叫不斷,令到演唱會場面更墟冚。
網民對Tyson Yoshi身材有什麼看法?
有網民就Tyson身材發文,指以Tyson比例操太大隻就過咗火,現時身材亦只係普通人眼中嘅…詳情請看
Tyson的演唱會有什麼特色?
Tyson每次嘅演唱會,都毫不吝嗇地…詳情請看