方力申冧爆收李佳芯私訊邀請勁開心 遭Ali當場請食檸檬澄清無私交
方力申著住浴袍與李佳芯講夢
李佳芯以身體為由暫別劇組,轉攻綜藝節目,近日與黃庭鋒主持解夢節目《夢.中.人》於myTVSUPER上架﹗日前一集邀請了方力申任嘉賓,在節目分享其古怪夢境,方力申相當配合節目主題,穿上睡前服以浴袍現身,他指自己甚少失眠,平常5分鐘內便可睡著,方力申話:「我問可唔可以講朋友嘅夢,回覆話唔得,咁我唯有發個超厲害嘅夢啦﹗」為上Ali個節目真係用心良苦喎﹗
方力申:Ali叫我做乜都好﹗
方力申其後自爆是李佳芯親自邀請上節目,一副冧樣話:「講番我點解嚟做嘉賓啦,因為Ali喺IG搵我,請我嚟做節目嘉賓﹗」當眾炫耀獲Ali親自邀請﹗卻遭在旁李佳芯耍擰頭指大家沒有電話聯絡,只告訊息:「講明呀,無呀﹗無呀(無限Loop)﹗」方力申續說:「因為上年邀請咗Ali上《鬼上你架車》節目,所以Ali叫我做乜都好我都做,總之呢個人情我一定還﹗」呢個時候Ali反應比之前大十倍,搶住要澄清,Ali仲緊張到捉實方力申隻手:「但係呢個唔係我私人事﹗我都係聽order叫我去幫手問方力申咋﹗我收到order『哦』完照做,就係咁㗎咋﹗」
李佳芯當場落閘:我都係收order做咋﹗
方力申本來暗爽被Ali私下邀請,卻當場被對方落閘兼派檸檬,一臉無奈,連主持之一的黃庭鋒都忍唔住:「你講到咁冇興趣搵佢咁﹗」李佳芯為免誤會再解釋:「嗰一刻我諗,佢請過我上節目,今次都應該唔會托我手踭啩,就係咁㗎咋﹗」空氣突然靜止……大家立即轉話題講回夢境,才令氣氛無咁尷尬﹗
去片﹗睇吓方力申個夢境有幾咁離奇﹗
方力申曾當眾被陳瀅踢爆用屎橋媾女法
方力申被人派檸又何只李佳芯呢次,之前在訪問中,都被陳瀅當眾踢爆想媾佢﹗去年方力申、陳瀅和唐詩詠上伍詠薇及阿Bob林盛斌主持的《Tiger’s Talk》節目。方力申話自己甚少約女性單獨出街,當場遭陳瀅玩踢爆:「佢(指小方)有約過我喎,有一日突然問我可唔可以同佢單獨食飯,但後來冇發生到嘅,事緣因為疫情我由溫哥華返嚟,佢怕我悶就叫我打電話畀個星座專家,個星座師傅話我2023、24年會同個點樣點樣嘅男仔結婚,個男仔係屬猴嘅,之後我打番畀小方,同佢講個師傅同我講咗啲乜,原來咁啱佢係屬猴嘅,所以我懷疑佢畀咗錢個師傅。」陳瀅踢爆小方冧佢,更暗笑小方的屎橋媾女法未能成事﹗
方力申新歡Maple Yip是誰?
新歡Maple Yip是一位藝術家,樣貌清純出眾,被網民稱為「氣質版馮盈盈」,極有明星相的她在社交平台上有不少她的畫作,網上畫廊全是充滿個性的素描作品…詳情請看
Maple Yip 是 Netflix《以神之名:信仰的背叛》女主角?
網民指Netflix《以神之名:信仰的背叛》預告片中的女主角「葉萱」,跟方力申的新歡Maple Yip十分相似,該紀錄片是講述邪教組織,首個單元是以韓國攝理教為主題,預告片中的前教徒葉萱指為了揭發真相,勇敢站出來,不希望再有人像她一樣受傷害…詳情請看