阿儀唔戴口罩出街被街坊追趕 網民反撐阿儀:唔抵得阿儀紅
阿儀又做主角
去年因參選亞姐而聲名大噪的「亞視一姐」阿儀薛影儀,又做主角喇!日前有一條長約3分幾鐘的片在網上瘋傳,片中阿儀因為唔戴口罩在其元朗朗屏邨寓所出沒,被一名女街坊撞見追住影,只見阿儀用手按着口罩及嘴部,邊跑邊叫女街坊唔好影,在街上狂奔的她非常狼狽,最後「敗走」衝入寓所大堂準備搶升降機,不過女街坊並未放過她。
女街坊咬住唔放
短片一開始就聽到女街坊不停大聲高呼:「亞視一姐吖嘛!薛影儀!唔戴口罩吖嘛!我話過撞到妳實影妳㗎!」當時冇戴口罩的阿儀身處寓所大堂,不知所措的她跑住離開,在街上奔走,該女街坊尾隨阿儀繼續拍片,仲大叫:「朗屏邨薛影儀唔戴口罩呀!」又鬧阿儀:「你大X晒呀?」、「你唔係識江湖人士咩?使乜咁驚呀?」
多次出手阻拍攝
因為女街坊咄咄逼人,阿儀情急之下疑似出手擋鏡頭而與對方有肢體衝突,當她跑入升降機後,又被街坊阻擋𨋢門,結果阿儀多次出手又出腳,三度「起飛腳」踢向拍片街坊,並向大廈保安員投訴:「佢阻住我唔畀我走呀!」最後阿儀惟有就範,正確戴回口罩,最後更有警員到場。
網民反鬧女街坊多事
有傳媒聯絡上阿儀,她表示事件發生於去年9月,不明為何短片現在才流出,她否認街坊對她的指控(包括經常唔戴口罩及曾在樓梯間隨處小便)。短片在網上瘋傳後,有網民指阿儀唔戴口罩係唔啝,不過該名女街坊的行為亦過激,而且佢把聲仲令人覺得好煩厭。
林作裕美又抽水
未幾,林作又迅速拍片抽水畀反應,今次由裕美做女主角,林作追住裕美狂影,強烈要她除口罩,只見裕美扮阿儀在屋內狂奔,仲出手起飛腳打林作,而林作就扮演該名女街坊,不停用煩音在旁叫裕美除罩。
阿儀 人氣長存
去年的亞洲小姐出爐,大家講唔講得出亞姐三甲個名呢?講唔出都好正常,因為大家只記得落選的阿儀薛影儀,阿儀紅到發紫,亞視一早就同佢簽約,安排密麻麻的工作,又廣告又代言,仲有大小喜慶飯局,令阿儀變成社交界紅人,最近阿儀又帶挈一眾亞姐拍賀年廣告。阿儀唔單止做唱歌擔當,更加有一段個人Rap嘅Solo部分,當中廣東話同國語夾集,真係非常洗腦。
阿儀 化身女財神
其實今次嘅賀年歌係聖誕都未過,阿儀已經開工拍攝㗎喇!早前阿儀在自己的社交網放了兩條廣告花絮短片,片中的她以女財神裝扮出現,襯埋一堆新舊亞姐,當中包括應屆季軍梁欣娟及才華飛越大獎陳美濤,只見全部亞姐著住中式旗袍,有人手持「阿儀不紅、天理不宮」的對聯,一齊跳住舞拍MV。
配角比主角落力
片中只見阿儀身體跟隨節奏擺動,非常他條,她亦貫徹一向的厭世樣,笑容欠奉,這樣令她身邊的亞姐更加顯得好落力,眾人不停唱「阿儀不紅、天理不容、心口掛勇、年年大魚大肉……」首歌似是為阿儀度身訂造,好易上口,非常洗腦。
唔好講咁多,立即去片:
薛影儀的首支個人單曲MV點擊率超高?
「亞視一姐」薛影儀(阿儀)日前推出首支個人單曲《一加一等於阿儀》,MV在上架數日已經破80萬的觀看次數,相當震撼。而當中歌詞「Baby Baby Baby Honey Honey Honey」洗腦程度相當高,幾乎全城都識唱…詳情請看
薛影儀在MV中所戴的勞力士市值15萬?
由照片可見,相信該錶是Submariner的綠圈錶款,亦是外界常稱為「綠水鬼」的長青錶款。而該手錶在Rolex當中一直都是熱賣款式,對比另一隻「綠綠」錶面的Submariner,呢隻「綠水鬼」目前炒價坐落於14萬至15萬左右…詳情請看