林日曦睇廣告竟眼泛淚光？藍奕邦聯同眾Youtuber改篇熱門金曲寄語港人 網友：呢個廣告、呢首歌，真係不得了！

撰文：八卦妹｜圖片來源：Facebook@hktrappistdairy、IG@hui_alfred、IG@lam1hey、YouTube@十字牌《只想和你身體健康》｜影片來源：YouTube@十字牌《只想和你身體健康》

十個單位齊合作寄語港人重新演繹張衛健經典歌曲《身體健康》

近兩年來，香港甚至是全球都受到肺炎疫情影響，口罩成為日常必需品，人前人後都會與對方講句「身體健康」、「小心身體」等等的祝福字句，而日前，經典品牌十字牌就邀請到RubberBand、王宗堯、藍奕邦、專家 Dickson、晴天林、熊仔頭及藍仔頭、蝦條哥及米露迪、SENZA A Cappella、劉小華和天使綸音合唱團，共十個單位一齊拍攝宣傳短片《只想和你身體健康》，重新演繹2002年由張衛健所演唱的歌曲《身體健康》。

林日曦睇到眼泛淚光 發長文籲大家一齊睇

廣告推出後，前100毛「腦細」林日曦也有在個人社交網上發下長文，指廣告歌的內容需要有耐性地去看，仲以半夜起身睇波的心態來笑說廣告讓他覺得很悶，但去到尾段時，林日曦突轉感性，指自己從沒想過廣告商竟然會找這位男藝人的出現。

林日曦詳文如下：

以下係一篇好悶嘅廣告文。冇相、冇片。但我希望大家俾少少耐性，一定要由頭睇到尾。首先，係廣告就係廣告，我從來唔會隱瞞。同時亦唔會話：因為係廣告…所以我一定狂讚…唔會、唔想。

我今次正正好想狂踩「阿客」條新廣告片。（放心我有同「阿客」講，接受唔到可以取消合作，而佢……接受到。）條片內容總括而言就係：「一首好多人合唱、送俾香港嘅歌」之類我打開條廣告片一睇………………er……嗯！如果你哋同我一樣…份人冇乜耐性…睇咗幾秒…應該已經熄咗…我覺得悶…係因為條片冇起伏、冇推進、內容不斷重複…hard sell位唔好笑、感動位又唔夠感動…簡單啲嚟講…就係悶…但我死頂…我用凌晨三點起身睇曼聯嘅心態…一路睇…一路瞌眼瞓…一路冇波入…一路睇…一路瞌眼瞓…一路冇波入…捱到完場一刻…………er我發現自己眼有淚光….講真的，一萬個真心，我眼有淚光….因為…….可能因為條片悶得滯，我打喊露…講吓啫。

我眼泛淚光嘅原因應該係：有位「球員」無啦啦出現…最後補時階段..推左走右連過兩關…入咗我波。好普通啫？咁都眼泛淚光？我都唔知點解，可能係因為冇諗過會搵佢呱。係，你可以好似大部份人咁，今晚寧願繼續碌嚟碌去睇無聊嘢，都唔去睇一吓呢條「悶片」。又或者你一睇條片，就非常冇耐性咁飛到最尾。但亦可以聽我吓我嘅建議：好似我咁，由頭睇到尾，由頭捱到尾。

我保證中間你會有好多次都想熄咗條片唔繼續睇。但正如睇波一樣，就咁睇入球精華，係唔會有感覺的；你一定要俾佢悶足90分鐘，補時階段入波，或者就會覺得精彩了。況且，以上一篇咁長咁悶嘅廣告文你都可以睇完，你又何不浪費多幾分鐘，去「十字牌」fb俾一次機會佢哋呢？佢哋有心。佢哋值得。

許廷鏗也有在其社交網上發動態表示：「最簡單，也是最難的願望！」

藍奕邦發文感謝其他九個單位自行錄製

歌曲原作者藍奕邦亦有在其社交網上發文，先講香港要健康，之後便感謝另外九個單位的協助及自行錄製，讓他可以將所有聲帶砌埋一齊，唯獨是王宗堯是由他親自錄音，讓他感到榮幸。

網友大讚：感謝您地，香港加油！

有不少網友看到廣告歌後都紛紛大讚，並同時大叫：「香港健康！」、「見字飲奶 香港健康」、「腰骨挺起 不驚怕亂世 ！」、「好感動的一個屬於香港人的廣告」、「好感動，感謝！支持十字牌！」

十字牌同時推出來自意大利的有機純牛奶

十字牌為大家帶來這個感人廣告的同時，也推出全新的有機純牛奶，產品是由意大利托斯卡納 (Tuscany) 的有機牧場原裝進口，廠房擁有 CCPB 歐洲有機產品認證，並且有6大產品承諾，包括：1)飼養乳牛不使用抗生素,確保奶源純淨；2)無添加防腐劑,保留純天然美味；3)純天然飼養,絕無添加生長激素；4)不含食物添加劑；5) 牧場禁止使用殺蟲劑及農藥,令乳牛更健康；6) 以非基因改造食物飼養乳牛,令奶源更天然純淨。

十字牌有機純牛奶 200 毫升(三盒裝) ,建議零售價為 $39.9，將於各大網上及實體超級市場、便利店及分銷商陸續發售。