女友去迪士尼全程黑面 港男上網求助訴苦 一個原因圍爐不成反遭網友圍插

撰文：Anson｜ 圖片來源：Facebook@JW 王灝兒、IG@haru___pink、Aliexpress官網圖片、Hong Kong Disneyland官網圖片、LIHKG討論區截圖

港男覺得買頭箍浪費金錢

有男網民以「女朋友嬲我去迪士尼一蚊都冇洗過」發帖，事關迪士尼入場費有優惠，所以樓主特地請假同女友一齊去，但因為滿頭問號，故在討論區分享與女友去迪士尼的經歷，以求指教。本來樓主與女友都相安無事，直到女友想買迪士尼頭箍時，情況開始轉差；樓主認為買頭箍浪費金錢，女友聽到雖然表現失望，但都沒有令樓主難下台，更表示「佢都覺得唔抵買，買左返去都唔會戴。」

女友開始黑面兼流淚

暴風雨前往往十分寧靜，樓主以為大步攬過。直到女友看到有人龍排隊等候買血包飲品，於是想去排隊買來打卡，但樓主仍然不識時務，埋怨人龍「唔知要排幾耐」，接著一手將女友拉走；女友開始由灰熊山谷到地鐵站的路途中，都是以黑面招呼樓主，最後更流了兩滴眼淚！

女友直斥樓主「一蚊都冇洗」

樓主看到女友流淚立刻手足無措，追問之下才知道原來女友覺得樓主「度縮」，不願花錢在她身上，入到樂園內一餐也未吃過，女友憤怒到連樓主「食好西」也補救不了。但樓主仍堅持陪女友到迪士尼打卡已經超額完成，質疑女友不體諒他，最後他卻承諾聖誕節帶她回去血拼。樓主在帖文中最後留下「係我唔識浪漫情趣定係我女朋友太港女」問句，但表示很愛女朋友，不希望網民只留下一句「感建分」（感情問題一律建議分手）。

網民圍插樓主「度縮」

帖文最後當然有不少「感建分」的留言，但最重要的是大多數網民都支持樓主女友，認為一個頭箍只是百多元，批評樓主十分寒酸，表示「買個頭箍都慳」、「去得主題樂園慳得就慳仲有咩樂趣？」亦有網民為樓主獻計，建議樓主和女友在家看Youtube的「迪士尼行路影片」，這樣就連入場費都節省，看了就當去了一轉東京迪士尼。

更有網民表示樓主完全不懂情趣，「入迪士尼唔打卡去嚟把X」、「同女友去梗係開心為先」，希望樓主放女友一條生路，表示「真心早啲分手啦大佬點過成世。」