193@ERROR網上節目爆喊負面批評非真正原因？！傳與緋聞女友Dee姐不歡而散

撰文：HM｜圖片來源：193IG、陳海寧IG、ACCO@YouTube截圖

193戒睇網上評論

ERROR成員193（郭嘉駿）早前與隊友Dee哥（何啟華）一同接受網上節目訪問，期間193指自己已戒睇網上評論，以免自己不開心，後來看到自己在《全民造星》時的片段，193突然收起笑容：「又播呢啲片？仆街喇﹗」跟住一面睇一面流淚，Natalie問193眼淚為誰而流？ 193就話：「每次聽呢首歌《我的快樂時代》就提醒自己，迷失嘅時都會聽呢首歌﹗」

193崩潰喊爆：啲人話因為寸隔籬台先紅，完全抺煞付出嘅努力﹗

193講到呢度開始爆喊：「呢幾年…真係…好辛苦…唔易過，好辛苦，見到當初自己乜都唔識，做乜都被人批評，到依家我以為自己都…可以，回顧當初，依家已經係另一個我，唔係當初嘅我﹗好似最近我哋去紅館做嘉賓，覺得自己唱得唔錯，同以前唔同，但人哋一句說話抹煞所有付出嘅努力，人哋會話『你都係因為一句寸咗隔籬台就紅咗，佢哋抺煞咗我呢三年嚟嘅努力，繼續好多人話我唔識唱歌、唔識跳舞，都冇努力過』，所以我先唔想睇呢啲評論，因為我知自己裡面係點，所以我都想身邊嘅人唔好咁介意負評，唔好被影響到﹗」

相關文章：

193@ERROR教Dee哥面對負評 反被觸及痛處崩潰爆喊：我過得好辛苦！

193與Dee姐關係撲朔迷離

193與Dee姐曾多次傳出拍拖消息，關係撲朔迷離，但從二人的社交網上，卻看到不少蛛絲馬跡，如二人到同一餐廳內High Tea、戴情侶帽，而Dee姐有部份的相片更是從高處影下，讓人不禁懷疑；而在8月時的ViuTV《晚吹-有酒今晚吹》節目中，娟姐曾多次向Dee姐逼供，大問她是否與193秘密拍拖，Dee姐聽後即時強調二人只是朋友關係。

網傳193與Dee姐不歡而散 「再見不是朋友」

直至近日，網上傳出193在網上節目中爆喊的真正原因是與緋聞女友Dee姐分手，而且二人還鬧得不歡而散，據稱雙方都有向公司表明日後不要安排二人同場活動或節目，完全不想看到對方。