ViuTV新節目《中女唔易做》 趙學而人生首次見工 小儀耕田被叫「唔好講咁多嘢」
廣告
ViuTV新節目《中女唔易做》日前首播,頭兩集就有小儀及趙學而!小儀自薦到有機農場做農夫,但竟然被嫌棄太多嘢講,而入行30多年的趙學而,則自爆其實未見過工,唔知規矩又冇準備,見工時更貫徹牙尖嘴利,甚至大膽向面試官提出要求?
撰文:東方新地|圖片:ViuTV圖片及趙學而IG |編輯:Bonita|原文刊於:東方新地
《中女唔易做》趙學而、小儀打頭陣
ViuTV新節目《中女唔易做》承接之前節目《中佬唔易做》,請來6位四十歲以上的女藝人,包括阮小儀、趙學而、楊思琦、康子妮、朱薰及杜如風,重新投入一個新的行業,體驗中女在職場上遇到的困難,節目首兩集就由同樣50歲的小儀和趙學而打頭陣,分別接觸不同的行業及工作,開始打工體驗。
做了廿年DJ的小儀坦言總有覺得吃力的時候,因此亦曾想過轉行。由於一直渴望體驗鄉郊生活,小儀向製作組主動提出想嘗試做農夫,因此獲製作組特別安排到有機農場,跟有50年耕作經驗的農夫卿姐學習耕種。
小儀在《中女唔易做》節目中當了兩天農夫,期間習慣開咪講嘢的小儀,經常被卿姐叫「唔好講咁多嘢」,令小儀有所反思,原來做人有時都需要停下來,去感受當下。
另一邊廂,趙學而於首集獲安排去大型連鎖電器舖應徵做售貨員,原來趙學而入行30年來從未見過工,對此她感到非常疑惑,更問:「見工係咩嘢嚟架?」
面試官指學而於求職表格上填漏了很多資料,問她有冇帶備相關資料及學歷證明?但學而就反過來叫面試官上網查閱她的個人履歷,完全唔知規矩。之後學而首天上班,被安排到美容部,她笑指自己是「電器殺手」。
即睇《中女唔易做》主題曲MV: