【iPhone 12】電量比上代少、兼極速倒水！ 一晚無4成電 真係關5G事？
廣告
iPhone 12 及 iPhone 12 Pro 推出前早已被拆解出電量較上代縮水，近日唔少用家去到 Apple 官方論壇反映 iPhone 12 Pro 電量極速蒸發，到底係因乜解究舊電會消耗得咁快？有咩方法可以解決呢？
撰文：Odin ｜圖片來源：Apple ｜編輯：海月
【iPhone 12】電量比上代少、兼極速倒水！ 一晚無4成電 真係關5G事？
近日有唔少 iPhone 12 Pro 用家R爆頭都諗唔明，部手機新買無幾耐但電量就會無啦啦消耗得極快，一晚蒸發咗成 4 成電量，就算待機情況下都係咁情況，雖然早前曾經一度傳出係因為用 5G 先會有咁嘅情況發生，但有唔少玩家就話用 4G 一樣係咁，甚至關晒後台應用程式都係一樣，更有用家拎部 iPhone 11 同部 iPhone 12 比較，都畀部 iPhone 12 嘅電量極速消耗嚇親。
唔少用家反映暫時未有呢個問題，到底電量蒸發屬於少數案例定係計時炸彈？官方就因應事件作出測試，暫時得出結論相信係iOS系統出錯引致，其實iOS系統出問題已經唔係咩新鮮事，之前手機出現偏黃偏綠都係因為iOS 13.4及13.5出現問題而喺iOS 13.6緊急維修臨時解決，到底真係軟件問題定硬件，從呢類罐頭式官方回應始終未能令用家安心，至於唔少用家指手機慣常充爆電及過夜充電都係非正確充電嘅方法，會因此破壞鋰電池內部化學活性縮短電池壽命，如果想部 iPhone 12 或者 iPhone 12 Pro 耐用啲，記得保持電量喺4至7成就最穩陣。
今年Apple發佈會，推出了什麼新產品？
除了萬眾期待的iPhone 14外，今年iPhone 14 出了新紫色，還有全新AirPods Pro 2以及Apple Watch 8/Ultra/SE，詳情請看。大家在出iPhone 14 時，都可以留意iPhone 的最新回收價。
今年iPhone 14有什麼限制？
除了今年iPhone 14 Pro/Pro Max 出了紫色外，在選擇手機容量時，有一點要考慮，就是有一個容量是未能支援4K…詳情請看
