【武漢肺炎】古天樂為老弱藝人撲兩萬口罩解困 網友:古仔好嘢! |頭號粉絲
撰文:素岐@Central、Cherie、Jack、東方新地|圖片:新傳媒資料庫、IG、微博|編輯:Cherie、素岐@Central、異種火星人
【武漢肺炎】古天樂為老弱藝人撲兩萬口罩
武漢肺炎爆發後,口罩供不應求,全球各地都鬧口罩荒,香港更是「一罩難求」,有很多年長老人都買不到,就如早前,鄭敬基得知「阿媽」盧宛茵返TVB上班時沒有口罩用,只能靠棉布口罩內夾廁紙再包保鮮紙在外頂住,完全不透氣令Madam Lo非常辛苦;另亦有報導指余慕蓮只餘二十多個口罩,兩日用同一口罩,並可能不出戶。
古天樂身為香港演藝人協會會長,得知有很多年長藝人沒有口罩用,即四出撲罩,暫時購到二萬個口罩以助有需要的藝人一解燃眉之急;他接受媒體透問時表示:「知道疫情後,香港有好多老人家出去排隊買唔到,同埋唔夠口罩用,就已經出去撲,暫時搵到2萬個返嚟,首批口罩已分給有需要藝人,已經繼續購買,依家就叫做落咗單,但送唔送到嚟香港就真係未知,因為好多地方都已經唔俾口罩出口。」
古天樂出錢又出力
古天樂一直低調做善事,在內地興建咗近百間學校,並幫助過唔少圈中人度過難關,真正有情有義!在2008年,他目睹汶川地震摧毀咗好多人嘅家園,先決定成立「古天樂慈善基金」,幫助有需要嘅人,佢仲出錢又出力,私下經常跟進同了解興建學校嘅進度,確保唔會出現豆腐渣工程。曾有記者致電詢問「在大陸捐建60幾間學校花咗幾多錢?」古天樂唔肯透露,只係話:「我只係本著做善事嘅心,唔想講錢,亦冇目標要捐建幾多學校。」仲話自己有小小成就,有能力就幫忙,亦會一直做落去。據知古天樂至今已斥資興建97間小學,並捐贈18間醫療室、750口水窖同1座小水利工程,捐款超過2,425萬。
曾幫「大佬B」還巨債
除咗低調做善事,古天樂喺圈中仲幫助過唔少人度過難關,「大佬B」吳志雄曾經公開感謝古天樂喺佢最困難時支持佢,據知「大佬B」喺1999年投資失利,蝕咗近億元,古天樂因為喺未紅時曾受過「大佬B」恩惠,所以幫佢還清巨債。此外,仲有指古天樂為感謝《陰陽路》監製南燕多年前嘅賞識,當對方患病時,一直喺經濟上支持對方,仲會久不久包機票、酒店請南燕一家去旅行。有傳古仔仲一直照顧前度女友黃𨥈瑩,每月都有畀生活費對方。
古仔樂樂善好施的性格也是眾人皆知,他作為一個製作公司的老闆,對待員工的大方程度也是非常疏爽,非常講義氣,兩脇插刀也是不在話下。他這樣對待員工,有錢一齊賺,逢年過節派發花紅獎金絕不手軟,也難怪員工們不遺餘力地協助他。
99年 同宣萱齊封帝后
1999年男女主角古天樂與宣萱《刑事偵緝檔案IV》,奪得萬千星輝頒獎典禮最佳男主角和最佳女主角獎。自從無綫劇《不懂撒嬌的女人》播出後,工作長接長有,而宣萱同古仔呢對最佳熒幕情侶再度合作,皆因宣萱同古天樂旗下經理人公司合作,佢早前出席公開活動話:「以Part-time形式幫我接Job,冇諗過同Ronnie(古天樂經理人)識咗十幾廿年後會再合作。試探吓先,如果夾就繼續合作落去。(傾向會做咩?)始終都鍾意拍劇,主持方面就弱啲,如果係商演、廣告就舒服。」
身家過10億
據聞古天樂的身價已經超過10億元,是一位名副其實的超級富豪,而且不僅是有錢,還很有愛心,在內地貧窮地區捐贈近百間中小學。不管是經濟條件,還是在心靈上都是那麼富有,現在只差一位彼此相愛的女伴,共度餘生。而且古天樂絕對是本地鑽石型男中最優質的頭幾位,他一直以來拍過不少作品,跟不少美女索模工作,但絕少傳出緋聞,多年來,他只唯一公開承認一個女友,就是跟他拍過拖7年的黃𨥈瑩。有指他們雖分開多年,但仍然有交流,古天樂仍然很關心對方,甚至有指古天樂曾承諾一生都不讓人傷害她。由此可見,他們分手後仍是朋友,古仔更對對方照顧有加,絕對是有情有義的大暖男!