【藍橘子】《男仔鍾意打機就係原罪?》
【藍橘子】《男仔鍾意打機就係原罪?》
text-藍橘子 photo-電視劇截圖、電影截圖、Youtube截圖
佢每一部家庭主機都會買,雖然唔識日文,但會自製攻略返學校派畀同學。到畢業出嚟做嘢,識咗個女朋友之後,就開始管制住阿達打機。
以下係女朋友指出阿達嘅三大罪行:
1)男人打機唔上進
「喂!想點啊大佬?唔通我返到屋企仲要讀書進修咩?!」
有次阿達約我出嚟飲酒訴苦,話女朋友覺得佢返到屋企打機唔夠上進。
打機嘅男人除咗畀人感覺唔夠上進,有時仲忽略咗身邊個伴侶。女朋友想阿達陪佢多啲,但阿達放工只想頹廢地坐喺梳化,全神貫注進入遊戲世界。
2)掛住打機唔陪女朋友
「X!好似以前細個咁囉,你睇十五分鐘電視,阿媽就會鬧你唔肯溫書,淨係掛住睇電視!」
阿達返工好大壓力,佢只係要求每日打一個鐘頭畀佢放鬆心情就足夠。正如女仔鍾意煲韓劇,一睇就全日唔離開個螢幕,但點解睇劇就係興趣,打機就變到好似吸毒咁?!
3)打機太投入會發脾氣
「痴線!我唔投入咁玩嚟有咩意思?發脾氣都係對住個螢幕鬧啫。佢自己夠幻想韓星係老公啦!」
男人打機永遠都好投入,大聲吼叫,拍抬拍凳講粗口呢啲一定要做。因為打機最開心,就係全情投入。
但阿達女朋友,就永遠唔想佢太投入,只想阿達專心對住佢一個人。
其實阿達每次向我訴苦,幾乎都係同女朋友為咗「打機」而鬧交。最近唔知邊個頂唔順邊個,兩人終於分手。
阿達亦開始承受分手後遺症,有一大堆八卦傳出嚟鬧佢,話佢係賤男。阿達真係好唔明白,究竟鍾意打機,有咩得罪到人?
我覺得每個人都可以擁有自己興趣,只要識得分配時間,又或者你陪我打機,我陪返妳睇劇,都可以係情侶之間嘅一種樂趣嚟~
部分內容由博客提供及授權轉載,不代表本刊立場!
內容延讀:
【藍橘子】《去婚紗展就見識到咩叫神級推銷》
>>> LIKE我們fb <<<
fb.com/newmonday.com.hk
有沒有關於香港的有趣盤點?
香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?
有甚麼必學生活小智慧?
天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法及7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!