周末hea歎半自助餐 沙田馬場 超近距離親近馬仔
資料來源:新假期
其實女仔都啱去馬場玩~記者最近發現,原來沙田馬場內亦有價格合理的自助餐廳,而且可以hea足一日,約齊閨密好友,相聚一個下午不會被趕,更可以報名學習賽馬知識,近距離親近馬仔,又幾好玩喎!
沙田馬場 hea歎半自助餐
記者今次出席的「時尚煲呔日」,顧名思義,大會當日的dress code就是煲呔,而女孩子則配戴蝴蝶,現場見到不少女生約齊三五知己都結上靚靚蝴蝶,來到馬場hea食個brunch。
今次介紹的半自助餐收費合理,於馬場內亦只是叫價400多元,便可以任食海鮮、刺身、live station、甜品等,再加上一款自選主菜,包你食到飽,而且沒有限時,可以坐足一整天,與好友盡情暢談!
至於主菜方面,今次選擇了黑松露配三文魚扒,三文魚非常鮮味,而且十分厚切,抵食!
除了食物高質,餐廳的環境亦十分舒適,座位寬鬆闊落,加上餐廳有露台,食飽又可以走動一下,消化後再「作戰」。
Hay Market
半自助餐收費:普通賽事日 $430起;主要賽事日 $530起;特別主要賽事日 $580起
地址:沙田馬場第二座看台2樓
訂座電話:1817
超近距離親近馬仔
於賽馬日來到沙田馬場,除了「跑馬仔」以外,到底可以有甚麼搞作呢?最近記者發現賽馬會推出了名為「Racing 101」的賽馬知識課程,參加者可以學習觀察馬匹,以及走進亮相圈VIP區內,近距離親近馬仔。
除了今次的「時尚煲呔日」,11月6日亦會有「莎莎婦女銀袋日」,到時可以約齊好姐妹,到沙田馬場歎返個Brunch,再參加Racing 101與馬仔近距離接觸。
莎莎婦女銀袋日
日期:11月6日
地點:沙田馬場(顯示地圖)
內容延讀:
蛋黃哥又嚟啦!準備好懶洋洋過聖誕未?
>>> LIKE我們fb <<<
www.facebook.com/newmonday.com.hk
香港有甚麼地方適合與閨密、情侶,一大班朋友去?
與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!
家居清潔有甚麼好方法?
家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!