Kartina & 狗狗 Charlie @charlie.pawty 「狗狗係陪我面對人生嘅 company只要佢過得開心凡事總有辦法面對」
正因為短，更要好好紀錄
曾經，Katrina 係一個連養魚都會養死嘅人，一開始面對佢嘅皮膚病真係好崩潰。但為咗好好照顧佢，反而迫住自己學識放鬆。「Charlie係我第一隻自己照顧嘅小動物。因為小狗嘅一生好短暫，所以想盡量記錄低同佢相處嘅每一個 moment。」呢段雙向奔赴嘅關係，令 Katrina 同 Charlie 喺互相適應中一齊成長。
跨越第一個難關
啱啱養 Charlie 嘅第一年，絕育手術後佢意外感染咗無抗生素可醫嘅細菌，全身皮膚潰爛，「睇住佢受苦真係好心痛，我哋用咗年幾時間慢慢調理先終於好轉。雖然皮膚問題依然會反覆，但呢場經歷令我明白，只要有我陪住佢，再難嘅關卡總會有方法跨過，活著enjoy就好！」
專屬嘅「綠茶」主子
「如果要形容 Charlie，我會話佢係一隻『綠茶』狗。一來佢個名中文本身就叫『茶』，然後佢嘅表現簡直係綠茶嘅完美示範。」Katrina 解釋，每當自己同其他人有講有笑，或者同親友坐得近少少，Charlie 一定會第一時間衝過嚟「攝」喺中間。喺 Charlie 嘅小世界入面，主人嘅視線就係佢嘅一切，呢啲充滿佔有慾嘅小動作，其實係佢霸道又甜蜜嘅示愛方式。「雖然佢唔識講嘢，但我諗佢第一句會係：Mami, love you!」
毫無保留嘅信任與滿足
只要喺 Katrina 身邊，Charlie 就充滿安全感。「打風行雷佢都照樣反晒肚、四腳朝天咁瞓；每晚仲會將最珍視嘅玩具擔晒上床，毫無保留交畀我。」為咗呢份信任，Katrina 幾乎戒甩出夜街，就算夜返睇世界盃，都一定搵婆婆陪佢。「見到佢喺草地開心咁跑，我會覺得只要有佢，生活就已經好簡單滿足。」
最親密嘅屋企人
Katrina表示，自己作為獨生女，從小習慣自己解決問題、一力承擔屋企大小事，逼住自己獨立，但自從 Charlie 出現後，生命中多咗一份親密的陪伴及依靠：「有佢喺到，會覺得有一個好 close 嘅 company，會畀到支持我去面對人生入面遇到嘅種種挑戰。」
由曾經令人心痛嘅皮膚病，到搞笑嘅反肚睡姿，藏住咗 Katrina 同 Charlie 最真實嘅雙向奔赴，亦係 Petlationship 最想記錄嘅真摯故事。
相片提供：Katrina
在 Instagram 查看這則貼文新假期 Weekend Weekly（@weekendweekly）分享的貼文
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧都超有feel，傾得興起難免會飲多幾杯，如果出現這些醉酒特徵時就要適可而止了！返工返到攰，不如一齊去按摩店鬆一鬆，油尖旺按摩店非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！