麻利 Mali & 狗狗薯仔、Miley & Loki @mileyloki333 「三隻狗狗讓我學懂尊重不同生命教識我活在當下只做自己鍾意事」
三隻狗，三種性格，一個家
「一返屋企佢哋一定好熱情，Loki 會喊出聲好似十年冇見啱啱先重逢咁。」Miley 係要面子嘅家姐，Loki 係成日想博關注嘅細佬，而薯仔就係主人心中嘅第一，呢種「三角關係」，令每日嘅生活充滿笑聲同溫暖：「我哋彼此視大家為心目中嘅至愛！」
「點解想分享？因為佢哋互動實在太搞笑」
細佬 Loki 好鍾意黐住個家姐 Miley，成日迷戀同仰慕住家姐；但 Miley 就唔鍾意佢搶 Fo（Focus）。仲有，Loki 最鍾意纏住同塞個屁股俾 Miley 聞，但實在生得太矮，人哋真係聞唔到。呢種搞笑日常每日上演，又點可能忍得住唔分享？
用最直接嘅方式愛你
每次麻利睇到動物受苦嘅片段，都會喊到好崩潰，要攬住三隻狗先舒服啲，點知佢哋唔會安慰，反而「個樣好鄙視咁覺得我好煩」。雖然得嫌棄眼神但又唔會走開，呢種肯留低喺度陪伴，都係愛嘅一種。
生活被徹底改變：學識尊重生命
養狗後，麻利生活有超級大改變。「每日一定要完成晒佢哋基本需要先可以做自己嘅事。我已經好耐冇行街、睇戲、食飯，完全唔想喺條街逗留超過 3 小時。」對麻利而言，呢種改變並唔係犧牲，而係一種學習：「亦都理解到養得寵物，要透過佢哋去學習尊重唔同嘅生命，學習佢哋每一個當下都只會做自己鍾意做嘅事。」
睇落平凡、搞笑，有時仲帶點崩潰嘅日常，但入面藏住嘅，正正係人與寵物之間最真實嘅連結，唔完美但真摯，就係 Petlationship 最想記錄嘅故事。
相片提供：麻利 Mali
在 Instagram 查看這則貼文新假期 Weekend Weekly（@weekendweekly）分享的貼文
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧都超有feel，傾得興起難免會飲多幾杯，如果出現這些醉酒特徵時就要適可而止了！返工返到攰，不如一齊去按摩店鬆一鬆，油尖旺按摩店非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！