搭飛機遇極品男舉腳放前座頭頂！當眾狂捽超嘔心 網民獻計大反擊
飯後鬆一鬆？奇葩男舉腳狂捽當自己屋企
根據Threads上流傳嘅影片，當時機艙內似乎啱啱派完飛機餐，大家正準備休息。點知一名男乘客突然將一隻腳高高舉起，直踩前座椅背頂部，腳尖幾乎貼住前座乘客個頭！最令人反胃嘅係，佢仲要用手不斷狂捽腳底，完全當正自己屋企咁他條。目擊呢幕嘅樓主都忍唔住拍片放上網，無奈直斥呢啲係「狗血短劇才會出現的人種」。
網民錯重點驚嘆「筋骨軟」 前座客慘食黴菌
影片曝光後火速爆紅，引來大批網民熱烈討論。有網民竟然錯重點，對該男子嘅驚人柔軟度表示震驚，留言笑指「他筋很軟餒」、「噁爆，炫耀筋軟嗎」。不過更多人係戥坐喺前面嘅乘客慘，直言「遇到呢啲咁冇家教嘅人，坐前邊嗰個真係好慘」、「腳底板的黴菌送給前方乘客」，更有網民火爆狠批佢係「破病的垃圾人」。
缺德無分國界 空服員出聲先肯收斂
面對呢種自私行為，大批網民紛紛群起聲討，嚴厲譴責呢啲「沒品的大人」做壞榜樣；亦有網民分享自身經歷，指其實喺歐美等地都經常遇到呢類缺德客，「半個人睡在走道也沒在理會別人」。直到最後，該名捽腳男被空中服務員發現並上前出聲提醒，佢先至極不情願咁將隻腳放返落嚟，毫無悔意嘅態度令人側目。
網民齊獻計大反擊：直接將張凳挨到盡！
出外旅遊遇到呢啲奇葩，到底應該點處理？一眾身經百戰嘅網民紛紛踴躍教路。除咗最基本嘅「通知空中服務員」之外，唔少人提議要用物理攻擊，例如「直接椅背向後壓」，等對方自動縮腳。更有狠角色建議「如果屢勸不改，我會將張凳挨到最後」，甚至有人提出極端招數：「企起身，喺佢腳上倒熱茶或淥杯麵，然後話不小心翻倒熱水！」證明大家對呢類機艙惡客真係忍無可忍。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨，信不信由你！不少朋友都喜歡想當年，香港懷舊小食及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！